Footnote

a Ka fen piin rong án emén mi angang ngeni Jiowa ren langattam fansoun erá, ‘Use fókkun lúkú pwe epwe iei ttamen ei ótót mi ngaw’? Kich meinisin sia fókkun mochen án Jiowa epwe asopwaló ei ótót mi ngaw, nge ákkáeúin lón ekkeei fansoun mi áweires. Nge a lamot ach sipwe káé le mosonottam. Lón ei lesen, sipwe káé án Paipel kewe kapasen emmwen mi tongeni álisikich le witi án Jiowa epwe mwékút. Sipwe pwal káé ruu mettóch mi lamot ach sipwe mosonottam le witi án Jiowa epwe fériir. Sáingolóón, sipwe káé ekkewe feiéch mi mmólnetá fán iten chókkewe mi tipemecheres le witi Jiowa.