Köl 36 (81)
Sia Kilisou ren Kölommangen Kot
1. Jiowa Kot, ren om manaman
Ka fori aramas me man
O pwal chonlang, pwe meinisin
Repwe pwarata om we ling.
Ekkewe mi tongei let me pwung,
Ra pwapwaesini lingochun
Foriom, o ra pwapwa ren
Ewe pworachoon om nemenem.
2. Ren om pwung ka tongeni muttir
Atai mettoch mi ngau ngenir.
Nge ka mosonottam pwe En
Kopwe le amanauakem.
Sa angei itom mi fel o pwal
Mwareituk o sa pwapwa ren om
Kölommang o witiwit ren
Ewe pworachoon om nemenem.
3. Kot, sa pwapwa ren om songommang.
Ach fansoun sipwele liffang
Ngonuk le pwarata om ling
O asamolu om we king.
En kopwe le aiti ngenikem
Ewe aalen manau o mwirin
Kopwe pwarata ngenikem
Ewe pworachoon om nemenem.