Köl 7 (19)

Chengel Unusen ewe Ran

(Kol Fel 32:⁠11)

1. Ou pwapwa! Ou chengel!

Sa kuna an Kot we chen.

Ou pwapwa le angang

Unusen ran meinisin.

Esor osupwangach, mei wor liffangach

Me ren Kot mi ngenikich ach tufich.

Kinamwe, seni Kot,

Menemenoch mi nom rech.

Sa fen lukulukoch

Pun sa arap ngeni Kot.

Ur ren pwapwa chapur, sisap kul seni,

Sipwele kini uwan ngun mi fel.

2. Minne mi enlet a

Fen angasakichelo.

Noun Kot we a kapas

O sa auseling ngeni.

Ren chchaan we a moonikich, a pwal aiti

Kich pwe sa kefilita me ren Kot.

An we Muu a fen pop,

A wato pwapwa enlet.

Mei wor noun chon angang

Mi tuppwol o tipatchem.

Sa nonnom lon saram me lukulukoch,

O ereni aramas meinisin.

3. Sa pwapwa le uwei

Fetalei ewe enlet,

O pwapwa le kuna

Noun Jiowa kewe siip.

Sa tongei pwiich kewe o pwal ekkewe

Ekkoch, epwe wor eu chok ekiek.

Unusen ran me ran,

Pwapwa le kutta Muun Kot.

Eu mwich mi wachemuk

A fen lapalapalo!

Sipwe mwareiti Kot, angang ngeni chok.

Amwo Jiowa epwe nonnom rech.