Lesen 8

Io Kewe Chon Oputa Kot?

Setan ewe Tefil ewe chon oputa Kot mi lap seni meinisin. Setan emon ngun mi u ngeni Jiowa. A chuen u ngeni Kot me a efisi osukosuk watte fan iten aramas. Setan emon mi ngau. I emon chon kapas chofona me emon chon nni manau.​​—⁠Jon 8:​44.

Pwal ekkoch ngun ra fiti Setan lon an u ngeni Kot. Ewe Paipel a eita ngeniir timon. Ussun chok Setan, ekkewe timon ir chon oputa aramas. Ra pwapwaiti ar efeiengaua aramas. (Mattu 9:​32, 33; 12:22) Jiowa epwe unusen ataielo Setan me noun kewe timon. A mwochomwochelo ar lusun fansoun le aosukosuka aramas.​​—⁠Pwarata 12:⁠12.

Ika en ka mochen wiliiti chiechien Kot, kosap fori met Setan a mochen. Setan me noun kewe timon ra oputa Jiowa. Ir chon oputa Kot me ra mochen pwe en kopwe pwal wiliiti emon chon oputa Kot. Kopwe wiisen filata io leir kopwe apwapwai​—⁠Setan are Jiowa. Ika en ka mochen manau tori feilfeilo chok, kopwe filata om kopwe fori letipen Kot we. A nom ren Setan chommong minen otupotup me mettoch a aea le otupu aramas. Lape ngeni aramas ra fen tupulo ren Setan.​​—⁠Pwarata 12:⁠9.