Lesen 14

Chiechien Kot Ra Tumunuur Seni Minne Mi Ngau

Setan a michi aramas le fori minne mi ngau. Mi lamot pwe emon mi mochen chiechioch me Kot epwe oputa minne Jiowa a oput. (Kol Fel 97:10) Ikkeei ekkoch mettoch chiechien Jiowa kewe repwe tumunuur seni:

Tipisin lisowu mwaal. “Kosap lisowu mwaal.” (Ekistos 20:​14, NW ) An ruuemon onnutfengen mwen ar pupulu a pwal mwaal.​​—⁠1 Korint 6:​18.

Unnupuch. “Aramas mi unupuch . . . resap alemwiri ewe muun Kot.”​​—⁠1 Korint 6:⁠10.

Nni manau, nni manauen monukol esaamwo uputiu. “Kosap niela aramas.”​​—⁠Ekistos 20:⁠13.

Sola. “Kosap sola.”​​—⁠Ekistos 20:⁠15.

Kapas chofona. Jiowa a oput “kapas chofona.”​​—⁠An Salomon Fos 6:​17.

Foffor mi mwanesol me songengau. Jiowa “a oputa ekkewe ir mi mochen mwanesol.” (Kol Fel 11:⁠5) “Ekkewe angangen fituk [ra kapach] . . . songengau.”​​—⁠Kalesia 5:​19, 20, NW.

Ppet won moni. “Oute chiechi ngeni emon . . . mi mochenia.”​​—⁠1 Korint 5:​11.

Koput lefilen aramas mi sokkofesen anuwen unucher me ar lewo. “Oupwe tongei chon oput ami, o iotekini ir mi eriaffoukemi.”​​—⁠Mattu 5:​43, 44.

Ekkewe mettoch Kot a erenikich repwe efeiochukich. Esap mecheres ach ti senikich minne mi ngau. Ren an Jiowa alillis me ren alillisin noun kewe Chon Pwarata, kopwe tongeni ti sonuk ekkewe mettoch mi aletipengaua Kot.​​—⁠Aisea 48:17; Filipai 4:​13; Ipru 10:​24, 25.