Iö ewe Kot mi Enlet?

Mi wor emön chök Kot mi enlet, iwe, itan Jiowa. Ewe Paipel a apasa: ‘Repwe silei pwe en ewe mi iteni Jiowa, en chök Ewe mi Unusen Tekia won unusen fanüfan.’ (Kölfel 83:18) A nonnom läng, me sise tongeni küna. A tongekich me a mochen pwe sipwe pwal tongei i. A pwal mochen sipwe tongei aramas. (Mattu 22:35-40) I ewe Emön mi Tekia Seni Meinisin, me ewe Chon Föratä mettoch meinisin.

Iwe, aramas rese pwal tongeni küna ewe äemönün förien Kot lon läng, iwe, atun a feitiw fönüfan, a iteni Jises Kraist. Jiowa a pwal föratä ekkewe chonläng.

Jiowa a föratä mettoch meinisin lon läng . . . me woon fönüfan. Pwäratä 4:11

Jiowa Kot a föratä ekkewe füü me ewe fönüfan fengen me masouan kewe meinisin.​—Keneses 1:1.

A föratä ewe äemönün aramas, Atam, seni süsüün pwül.​—Keneses 2:7.