‘Manaw lón Lúkúlúk, nge Sap lón Met Sia Kúna’

Ekiseló me mwen ra rokopwálieló Jerusalem me mwirin an a taló, ewe aposel Paulus a makkeei pwe ekkewe Chón Kraist iir néún Kraist mi múrinné, repwe ekieki pwe repwe kúna riáfféú me resap akkomwa kinamween inisiir me pwapwaar. (2 Tim. 2:3, 4) Pokiten feiengaw epwe tori ei fénúfan mi ngaw a lamot lúkú mi péchékkúl pwe sipwe chék nefótófót wóón mettóchun lúkú. (2 Kor. 4:18; 5:7) Kopwe katol ewe video ‘Walk by Faith, Not by Sight.’ (Ló ngeni jw.org, me ttiki PUBLICATIONS > VIDEOS.) Ekieki ifa usun tongen pisek a wiliti eú ssár ngeni Naham me Abital. Mwirin, enniwili ekkeei kapas eis.

(1) Ifa ewe “Mettoch mi Eniweniw, . . . Epwe nom lon ewe leni mi pin” lemanawen ekkewe aposel me met ekkewe Chón Kraist mi nónnóm Jerusalem repwe mwittir féri? (Mat. 24:15, 16) (2) Pwata a lamot lúkú atun ra sú seni ewe telinimw? (3) Met ra pwal pennúkúóló? (4) Pwata Naham me Abital ra mmang? (Mat. 24:17, 18) (5) Pwal met sóssótun lúkú Rachel a kúna atun epwele ló seni Jerusalem? (Mat. 10:34-37; Mark. 10:29, 30) (6) Ifa usun Ethan a isetiw eú leenien áppirú mi múrinné usun an lúkú me lúkúlúk wóón Jiowa? (7) Ikkefa ekkewe weires Chón Kraist ra kúna me Pella? (8) Ifa usun a apwangapwangoló án Naham me Abital lúkú? (9) Ifa usun Jiowa a túmúnú ekkewe Chón Kraist mi nónnóm Pella? (Mat. 6:33; 1 Tim. 6:6-8) (10) Ifa usun sipwe áppirú Apraham me Sara atun sia nóm lesópwólóón ei ótót? (Ipru 11:8-10) (11) Met popun Naham me Abital ra ekieki pwe a lamot repwe liwiniti Jerusalem, me pwata mi mwáál ar ekiek? (Luk. 21:21) (12) Mei fet nónnómun Jerusalem lupwen Naham me Abital ra liwin? (13) Met popun a lamot ach sipwe apéchékkúla ach lúkú iei me mwen sópwólóón ei ótót?​—Luk. 17:31, 32; 21:34-36.

Manaw lón lúkúlúk a wewe ngeni (1) lúkúlúk wóón án Jiowa emmwen, (2) mut ngeni an emmwen epwe emmwenikich, me (3) pwári pwe sia aúcheani mettóchun lúkú lap seni mettóchun aion. Amwo itá sipwe tipeppós le manaw lón lúkúlúk, eáni lúkúlúk pwe “fanüfan me mettochun lon aramas ra kon mochenia ngeni repwe morola, nge iö a föri letipen Kot epwe manau tori feilfeilachök.”​—1 Joh. 2:17.