A Lamot Mammasa lón Pekin Lúkú me Tinikken Atun A Wor Ekkesiwilin Nónnómuch

Pokiten sia nónnóm lón ekkeei ránin lesópwólóón, a kan fiffis ekkesiwil lón manawach. (1Ko 7:31, NW) Ese lifilifil ika sia tepereniir are sise, iir mi éch are ngaw, nge ra tongeni atai ach fel ngeni Jiowa are angawaló ach riri ngeni i. Met a tongeni álisikich ach sipwe mammasa me tinikken le angang ngeni Jiowa atun a wor ekkesiwil? Katol ewe video Staying Spiritually Grounded While Moving, me pélúweni ekkeei kapas eis:

• Menni kapasen fén emén Chón Kraist mwán a ereni ewe sam?

• Ifa usun ewe kapasen emmwen lón Mateus 7:25 a weneiti nónnómun ewe famili?

• Atun án ewe famili epwele mwékút, ifa usun ra akkótaaló me mwan? Ifa usun ar féri ena a álisiir?

• Met a álisi ewe famili le eérenaaló ewe mineféén ekkesiwil lón manawer mi weneiti ar mwichefel me ar leenien afalafal?

Ikkefa ekkewe watteen ekkesiwil mi fis lón manawei kukkuto chék?

Ifa usun upwe apwénúetá lón pwisin manawei ekkeei kapasen emmwen ei video a áiti ngeniei?