LESEN 1

Kapasen Lepoputáán mi Múrinné

Föför 17:22

MENLAPAN: Mi lamot pwe óm kapasen lepoputáán epwe amwasangasang, affata met ewe kopwe fós usun, me affata pwata ewe pwóróus a lamot ngeni ekkewe chón aúseling.

MINNE KOPWE FÉRI:

Amwasangasang. Filatá eú kapas eis, pwóróusen manawen emén, eú pwóróus seni lón news, are apasa pwal och mettóch ekkewe chón aúseling repwe mochen rongorong usun.

Me mwan, kopwe ekiekifichi met ekkewe chón aúseling ra kan pwapwaiti me met ra lólileniesini, iwe óm anapanapa óm kapasen lepoputáán epwe lóngólóng wóón ekkena mettóch.
Affata met ewe kopwe fós usun. Túmúnú pwe óm kapasen lepoputáán epwe affataéchú met ewe kopwe afalafal usun me pwata kopwe eáni ena afalafal.
Affata pwata ewe pwóróus a lamot. Anapanapa met kopwe apasa me ren minne mi lamot ngeni manawen ekkewe chón aúseling. A lamot epwe ffatéch ngeniir ifa usun minne kopwe fós usun epwe álisiir.

Atun óm ammólnatá óm afalafal lón mwich, pwisin eisinuk, ‘Menni osukosuk a tottori chón ai we mwichefel?’ Mwirin, anapanapa óm kapasen lepoputáán pwe epwe fichiiti met ra osupwangan.