Áwewe fán Iten Manawach me Ach Angangen Afalafal Mwich
March 1-7
PWÓRÓUS AÚCHEA SENI KAPASEN KOT | NUMPERIS 7-8
“Lesen Seni án Chón Israel Nóm lón ewe Fénúpéén”
it-1-E 497 ¶3
Mwichefel
Me lón Israel, lape ngeni ekkewe aramas mi alúkúlúk ra tupuni chón Israel. (Esr 10:14) Ina minne, mwirin kaútáán ewe imwenfel ekkewe “souemwenin ar kewe ainang” ra wisen eáni asor. (Num 7:1-11) Pwal och, ekkewe souasor, chón Lefi, me “samolun ekewe aramas” ra eáni “eu pwon mi nükünük” lón fansoun Nehemia we. (Ne 9:38–10:27) Atun án ekkewe chón Israel sáifetál lón ewe fénúpéén, a wor ekkewe “souemwen mi iteüöch, ra fil seni ewe mwichen aramas pwe repwe nöür souemwen,” nge 250 me leir ra fiti Kora, Tatan, Apiram, me On ra kochufengen me ú ngeni Moses me Aaron. (Num 16:1-3) Ren án Moses álleasochisi án Kot emmwen, i a filatá 70 mwán “seni lein ekewe souakomwen Israel” pwe repwe álisi le “mwärelong fän weiresin tümwünün ekewe aramas” pún esap chék ákkáláemén le mwárei. (Num 11:16, 17, 24, 25) Lón Lifitikos 4:15 a fósun “ekewe souakomwen ewe mwich,” usun ikkena iir néúr kewe soukapwúng, me néúr kewe meilap mi wisen tupuni ekkewe aramas.—Num 1:4, 16; Jos 23:2; 24:1.
it-2-E 796 ¶1
Rupen
Me lón leenien ekkewe chón Israel, ekkewe chón Rupen ra nónnóm lefilen mwirimwirin Simeon kewe me Kat, ra nóm éérún ewe imwenfel. Atun ekkena úlúngát einang mi nóm fán emmwenien ekkewe chón Rupen repwele ten, iir repwe tapw mwirin ekkewe úlúngát einang, Juta, Isakar, me Sepulon. (Num 2:10-16; 10:14-20) A pwal iei usun tettelin ekkewe einang lupwen ra eáni ar asor atun efinúnún ewe imwenfel.—Num 7:1, 2, 10-47.
Menlapen Poraus Seni ewe Puken Numperis
8:25, 26. Mi alluk pwe mwan chinnap repwe retire seni wiiser ussun chok chon Lifai pokiten ar apwangapwangen chinnap me fan iten an epwe chuen fisoch ewe angang. Iwe nge repwe tongeni volunteer le alisi ekkewe ekkoch chon Lifai. Lon ach ei fansoun aramas rese retire seni wiiser le esilefeili ewe Muu, nge ewe kapas ei alluk a alongolong won a aiti ngenikich eu lesen mi auchea. Ika emon chon Kraist a chinnapelo me ese chuen tongeni apwonueta ekkoch wiisan kewe, iwe, epwe chok achocho ngeni met a tongeni fori.
Kúkkútta Pwóróus Aúchea
it-1-E 835
Mwánichi, Mwennau
Pokiten néún chón Israel kewe mwánichi iir repwe wisen souemmwenin ekkewe famili, iwe iir ra tupuni unusen ewe mwú. Ren enletin, me ren Jiowa unusen ewe mwúún Israel iir néún “mwänichi,” iir néún mwánichi pokiten ewe pwonen etipeeú ngeni Apraham. (Eks 4:22) Pokiten Jiowa a seláni manawen ekkewe mwánichi meinisin, iwe a apasa pwe “meinisin mine a akomwen uputiu lein aramas me man lon Israel,” repwe néún. (Eks 13:2) Ina minne, ekkewe mwánichi ra kefilitá fán iten Kot.
March 8-14
PWÓRÓUS AÚCHEA SENI KAPASEN KOT | NUMPERIS 9-10
“Ifa Usun Jiowa A Emmweni Néún Kewe Aramas?”
it-1-E 398 ¶3
Chón Israel lón ewe Fénúpéén
A pwáló amwararen kókkótéchún ewe watteen kúmiin chón Israel atun ra mwékút seni eú leeni ngeni pwal eú leeni (ina epwe 40 leeni me ren Moses lón Numperis 33). Atun ewe kuchu a nónnóm wóón ewe imwenfel mangaku, ekkewe chón Israel repwe chék nónnóm ikewe ie. Nge lupwen ewe kuchu a mwékút, ekkewe chón Israel repwe pwal mwékút. “Fän än ewe Samol mi Lapalap allük ra nom lon ewe leni, nge fän an allük ra pwal sai.” (Num 9:15-23) Ruuofóch rappwa seni silifer mi nechenech ngeni ama repwe ettik me esilei ngeni meinisin chón Israel ekkena allúk me ren Jiowa. (Num 10:2, 5, 6) Och ttikin esilesil mi tikimwóch ina eú esilesil pwe repwele mwékút. Ewe áeúin atun a fis ei, ina lón ewe érúween rán, lón ewe oruuen maram, lón ewe oruuen ier [1512 B.C.E.]. Ewe áeúin kúmiin einang repwe feiló, Juta epwe akkomw pún i a wisen emmweniir, tapw Isakar, mwirin Sepulon, nge ewe pworofel epwe akkomw mwer. Nge ekkewe chón Kerson me chón Merari repwe tapw mwiriir fán ekkóch pisekin ewe imwenfel mangaku mi kewis ngeniir. Iwe, ewe oruuen kúmiin einang repwe tapweló mwiriir, Rupen epwe akkomw pwe i a wisen emmweniir, tapw Simeon, mwirin Kat. Ekkewe chón Kohat ra tapw mwiriir nge ra uwei ekkewe mettóch mi pin, mwirin ewe aúlúngátin kúmiin einang, einangen Efraim, einangen Manasa me einangen Peniamin. Sáingolóón ewe arúáánún kúmiin einang, einangen Tan me ekkewe einangen Aser me Naftali. Iwe, ekkewe ruu kúmiin einang mi fókkun chóchó me péchékkúl ra wisen nóm mwan me mwirin.—Num 10:11-28.
w11-E 4/15 4-5
En mi Esilla ewe Pisekin Ánnet Usun án Kot Emmwen?
Ifa usun sipwe tongeni pwáraatá pwe sia aúcheani án Kot emmwen? Ewe aposel Paulus a apasa: “Oupwe aleasochisi nöümi kewe souemwen o föri mine ra allük ngenikemi.” (Ipru 13:17) Esap fansoun meinisin epwe mecheres ngenikich le féri ena. Áwewe chék: Ekieki pwe en emén chón Israel lón fansoun Moses we. Anchangei pwe mwirin óm fetálettam, ewe kuchu a kaúló. Tori ineet ena kuchu epwe kaúló? Eú rán? Eú wiik? Fitu maram? Neman ka ekieki, ‘Mi lamot ai upwe uwawu piseki kewe meinisin?’ Akkomw, neman kopwe chék uwawu ekkewe a fókkun lamot ngonuk lón na atun. Iwe nge, mwirin fitu rán, pokiten ka weires le kútta och me lein pisekum kewe, iwe, ka poputá le uwawu meinisin. Nge atun kopwele fen wes le uwawu meinisin, ka kúna pwe ewe kuchu a witá—a lamot kopwele pwal anúkúnúkúúreló sefál! Ese mecheres. Iwe nge, a lamot ngeni ekkewe chón Israel ar repwele mwittir “sai.”—Num 9:17-22.
Iwe, met sia féri atun a torikich emmwen me ren Kot? Kich mi achocho le mwittir apwénúetá? Are, sia chék sópweló le féri met kewe sia fén éérenaaló le féfféri? Kich mi sileéchú ekkewe emmwen mi kerán katowu, áwewe chék ren napanapen ach káé Paipel ngeni aramas, afalafal ngeni chókkewe mi sókkóló ar fós, féfféri ach famili fel iteitan, álisatá angangen ewe Hospital Liaison Committee, me féfférúch mi múrinné atun ekkewe mwichelap? Ach etiwa kapasen fén a pwal pwári pwe sia aúcheani án Kot kewe kapasen emmwen. Lupwen a torikich eú kefil mi chou, sise lúkúlúkú pwisin tipachemach, nge sia fen kútta emmwen seni Jiowa me an we mwicheich. Usun chék án emén naw kútta túmún seni seman kewe me inan atun mélúmél, kich sia pwal kútta túmún seni lón án Jiowa mwicheich atun a torikich ekkewe osukosuken ei fénúfan mi usun mélúmél.
Kúkkútta Pwóróus Aúchea
it-1-E 199 ¶3
Mwichelap
Aúchean Mwichelap. A pwá aúchean án ekkewe aramas mwichfengen pwe repwe angei ekkewe feiéch lón pekin lúkú seni minne Jiowa a awora atun ra féfféri ewe Pasofer iteiten ier. Ika emén mwán mi liméch me ese towaw seni leenian a tunaló an epwe féri ewe Pasofer, i epwe ninniiló. (Num 9:9-14) Lupwen King Hiskia a kérato ekkewe chón Juta me Israel ngeni Jerusalem ar repwe féri apwapwaan ewe Pasofer, iei met a apasa: “Ämi aramasen Israel . . . oupwe kul ngeni ewe Samol mi Lapalap. . . . Ousap tipeförea usun ämi kewe lewo, nge oupwe aleasochis ngeni ewe Samol mi Lapalap o feito ren imwan mi pin, i a apini tori feilfeilachök. Oupwe angang ngeni ewe Samol mi Lapalap ämi we Kot, pwe esap chüen song ngenikemi. . . . Pun ewe Samol mi Lapalap a kirikiröch o ümöümöch, epwe etiwakemi ika oua liwinsefäl ngeni.” (2Kr 30:6-9) Án emén pwisin filatá an esap fiti a pwáraatá pwe a álleasolapa Kot. Inaamwo ika ekkewe Chón Kraist rese chúen féri ekkena sókkun mwichfengen, nge Paulus a peseer ar resap tunaló le mwichfengen iteitan, a erá: “Ousipwe ekiekifengeni usun ach sipwe tongeni alollolätai chienach ren ach eäni chen me föför mürina. Sisap likiti ach eti ach mwichfengen usun ekoch ra föföri. Nge sipwe fokun apöchökülafengenikich lefilach, pun sia silei pwe Ränin ach Samol a arapoto.”—Ip 10:24, 25; ppii CONGREGATION.
March 15-21
PWÓRÓUS AÚCHEA SENI KAPASEN KOT | NUMPERIS 11-12
“Pwata Sisap Ngúnúngúnúngaw?”
Sisap Wiliiti Chon Rong mi Monukalo ewe Kapas
20 A lap me lein chon Kraist rese ttur fan eu ren lisowu mwaal. Iwe nge, mi lamot ach sipwe tumunukich pwe site poputa le fetal won eu al mi emmwen ngeni fofforun ngunungun, iwe mwirin, epwe tongeni pout senikich an Kot chen. Iei an Paul fon ngenikich: “Sisap sotuni ewe Samol usun chok ekkoch leir [chon Israel], o ra malo ren ewe serpent. Sisap pwal pweni usun chok ekkoch leir, pun ra ninnilo ren ewe chon nielo. (1 Korint 10:9, 10) Chon Israel ra ngunungunu Moses me Aaron—ewer, pwal mwo nge Kot—iwe, ra ngunungun ussun ewe manna mi kawor ren eu manaman. (Numperis 16:41; 21:5) An Jiowa song ussun ar ngunungun a ita kis seni an song ussun ar lisowu mwaal? Ewe poraus lon Paipel a apasa pwe chommong chon ngunungun ra nninniilo ren serepenit. (Numperis 21:6) Lon eu fansoun mwan, lap seni 14,700 chon ngunungun ra nninniilo. (Numperis 16:49) Ina minne, sisap sotuni mosonottamen Jiowa ren ach pwarata sufolungau ngeni minne a kan akkawora.
‘Sisap Ngününgün’
7 A ifa me watteen siwilin tipen chon Israel! Ar kilisou le poputään ren ar ngaselo seni Isip me ar küna amanau lon ewe Setipar a amwökütüür pwe repwe kölün mwareiti Jiowa. (Ekistos 15:1-21) Iwe nge, pokiten ar rese eöreni nonnomur lon ewe fönüpöön me ar niueiti chon Kenaan, a molo kilisoun nöün Kot kewe aramas, iwe, a poputä ar ngününgün. Rese kilisou ngeni Kot ren ar ngaselo, nge ra ekiek mwääl pwe ra osupwang, iwe, ra tipi ngeni Kot ren. Ina minne, ar ngününgün a pwäratä pwe rese menei minne Jiowa a awora. Ina ewe popun a apas: “Ifa ükükün fansoun än ei mwichen aramasangau lal ngeniei?”—Numperis 14:27; 21:5.
it-2-E 719 ¶4
Ánini
Ngúnúngúnúngaw. Ewe mettóch ngúnúngúnúngaw a eletipengawa ekkóch me atai kinamwe. Ekiseló chék mwirin án ekkewe chón Israel towu seni Isip, ra ngúnúngúnúngawa Jiowa, ra kefisitá mwáállin Moses me Aaron, chókkewe Jiowa a ewisa ngeniir ar repwe wisen emmweniir. (Eks 16:2, 7) Ló, ló, ló, ar kewe ngúnúngúnúngaw a elichippúngú Moses pwe a mochen epwele máló. (Num 11:13-15) Ngúnúngúnúngaw a tongeni efeiengawa manawen ewe chón ngúnúngúnúngaw. Me ren Jiowa, minne ekkewe chón ngúnúngúnúngaw ngeni Moses ra apasa, ina wesewesen eú angangen ú ngeni An nemenem. (Num 14:26-30) Chómmóng ra ninniiló pokiten ar ngúnúngúnúngaw.
Kúkkútta Pwóróus Aúchea
it-2-E 309
Mana
Áweween. Mana a pwech usun féún ewe irá itan koriander, nge napanapan a usun ewe appach mi pwokkus itan bdellium gum, me ina och mettóch mi ffat mi usun féún pearl. Nennan a usun nennen “cake mi chechchak mi för seni honey” are cake mi ngar mi nofit ngeni apúra. Mwirin án aramas fééira ewe mana lón leenien fééir are usi lón leenien usus, ra kuku are féri cake seni me umwuni.—Eks 16:23, 31, KG; Num 11:7, 8.
March 22-28
PWÓRÓUS AÚCHEA SENI KAPASEN KOT | NUMPERIS 13-14
“Ifa Usun Lúkú A Apworaikich?”
Tipepwora A Fis ren Lükü me Niuokkusiti Kot
5 Iwe nge rüüemön me lein ekkewe spai, Josua me Kalep, ra mwötöres le tolong lon ewe Fönü mi Pwonetiu. Ra apasa ussun ekkewe chon Kenan: “Ir chök okufuach. Iwe, ar apilükülük a sü seniir, nge ewe Samol mi Lapalap a etikich. Ousap fokun niuokusitiir.” (Numperis 14:9) Mei wor popun än Josua me Kalep apilükülüköch? Ewer! Ir fengen me ekkewe aramas ra fen küna än Jiowa ätekisonatiu Isip me ar kewe kot ren ekkewe Engol Riäfföü. Mwirin ra katol lupwen Jiowa a nnielo Farao me nöün kewe sounfiu lon ewe Setipar. (Kölfel 136:15) A ffat, pwe esor popun ekkewe engon spai me chiener kewe repwe niuokkus. Iwe a iei ussun Jiowa a pwäralo an letipengaü: “Ifa ükükün fansoun än ekei aramas turunufaseei? Ifa ükükün fansoun ar resap mochen lüküei, inamwo ika ra fen küna ekewe manaman üa föri lefiler?”—Numperis 14:11.
6 Jiowa a küna ewe popun ra nissimwa pun mi nafangaü ar lükü. Ewer, lükü me tipepwora ra fokkun ririfengen. Ina popun ewe aposel Jon a makkei ussun ewe mwichefelin Kraist me ar we maun lon pekin ngün: “Pun minne mi up seni Kot epwe pworacho ngeni fonufan. O iei ach win mi epwe pworacho ngeni fonufan, ach luku.” (1 Jon 5:4) Ikenäi, lap seni wonu milion Chon Pwäratä Jiowa, nge ir mi kükkün me chinnap, pöchökkül me apwangapwang ra afalafal woon unusen fönüfan pokiten ra pwal eäni ewe sokkun lükü mi nom ren Josua me Kalep. Iwe, esor chon koput a fen tongeni eppeti ei mwichen sounfiu mi pöchökkül me tipepwora.—Rom 8:31.
Kúkkútta Pwóróus Aúchea
it-1-E 740
Ewe Fénú Kot A Ngeni Chón Israel
EWE fénú Kot a ngeni chón Israel a fókkun múrinné. Lupwen Moses a tiinaaló ekkewe spai ar repwe cheki ewe Fénúen Pwon me uweato uwaan, ra uweato féún fiik, féún ewe irá itan pomegranate, me umwun kreip mi fókkun umwummóng mi lamot rúúemén mwán repwe mwárei wóón efóch ámmwár! Inaamwo ika ra niwokkus pokiten ese naf ar lúkú, nge ra apasa: “Ewe fanü eu fanü mi pwülüöch o fanüeräs.”—Num 13:23, 27.
March 29–April 4
PWÓRÓUS AÚCHEA SENI KAPASEN KOT | NUMPERIS 15-16
“Túmúnuk Seni Lamalamtekia me Óm Lúkúlúk Wóón Pwisin Tufichum”
Ka Sillelo me ren Jiowa?
12 Nge lon ar säi ngeni ewe Fönüen Pwon, Kora a ekieki pwe ese kon pwüng napanapen än Jiowa emmweni Israel, iwe, a mochen föri ekkoch siwil. Mwirin pwal 250 mwän lon Israel ra fiti. Ra meefi nükünüköch pwe a wor ar ririöch ngeni Jiowa. Ra ereni Moses: “Ämi oua kon anapala nemeniemi. Pun unusen ei mwichen aramas a pin, nge ewe Samol mi Lapalap a nom lefiler.” (Num. 16:1-3) A ifa me lamalam tekiar! Moses a ereniir, “Ewe Samol mi Lapalap epwe pwärätä iön noun.” (Älleani Numperis 16:5.) Sorotä, lekuniolun ena rän, Kora me meinisin mi fitaalo an ü ngeni, ra mälo.—Num. 16:31-35.
Ka Sillelo me ren Jiowa?
11 Sipwe nengeni pworausen Moses me Kora, mi sokkofesen napanapen ar föfför. Minne ra föri epwe älisikich le weweiti pwe än Jiowa ekiek usuch mi longolong woon ükükün ach süföliti minne a filatä me napanapen an föri. Kora, emön chon Lifai, mwirimwirin Kohat. Eli a küna än Jiowa amanaua ewe mwuun Israel me lon ewe Setipar, a pwal älisatä än Jiowa kapwüng ngeni chon Israel me woon ewe chukun Sainai, me a älillis le uweifetälei ewe pworofel. (Eks. 32:26-29; Num. 3:30, 31) A ffat pwe Kora a fen tuppwöl ngeni Jiowa ren fite fite ier, iwe, chommong lon Israel ra menniniiti.
Kúkkútta Pwóróus Aúchea
Tumunu Pwe Sipwe Akkomwa Ekkewe Mettoch mi Lamot!
A chou an Jiowa ekiek ussun ei mettoch. Ewe Paipel a apasa: “Mwirin och fansoun, Jiowa a ereni Moses: ‘Ewe mwan epwe ninnilo.’” (Numperis 15:35) Pwata a pochokkul an Jiowa memeef ussun minne ewe mwan a fori?
Mei tufich ngeni ekkewe aramas ar repwe os mwuuch pwal fori ekkewe ekkoch angang fan iten aner mongo, ufer kewe, me imwer. Ewe efisuen ran epwe fan iten chok minne a lamot ngeni ar osupwang lon pekin ngun. Inaamwo ika ese ngau an aramas os mwuuch, nge a ngau ar repwe aea ewe fansoun ar repwe ita fel ngeni Jiowa pwe repwe fori pwal och mettoch. Inaamwo ika ekkewe Chon Kraist rese nom fan ewe Allukun Moses, nge ena poraus ese aiti ngenikich eu lesen ussun met sipwe alamota lon manauch ikenai?—Filipai 1:10.
April 5-11
PWÓRÓUS AÚCHEA SENI KAPASEN KOT | NUMPERIS 17-19
“Ngang Inetum”
Ka Filatä Jiowa pwe I Inetum?
9 Ekieki mwo ekkewe chon Lifai ese wor älemwirier fönü. Pokiten ra wisen emmweni ewe mwu lon fel mi limelimöch, repwe lükülükü pwe Jiowa, i inetiir, me epwe awora tufichin manauer. (Num. 18:20) Iwe, inaamwo ika sise akkangang lon eü imwenfel usun chök ekkewe samolfel me chon Lifai, nge sipwe pwal lükülük woon Jiowa. Atun sia akkarap ngeni ewe sopwoloon, a lallapolo lamoten ach sipwe lükülükü pwe Jiowa epwe tümünükich.—Pwar. 13:17.
Jiowa, I Ineti
4 Lupwen Jiowa a filatä chon Lifai fän iten an angang, ifa usun a wiliti inetiir? Ese ngeniir älemwirier fönü, nge a ngeniir och mettoch mi aüchea, weween, eü angang mi fokkun lamot repwe föri. ‘Ewe wisen sou asor ngeni Jiowa,’ ina wiser are inetiir. (Jos. 18:7) Numperis sopwun 18 a älisikich le weweiti pwe resap osupwang ren tufichin manauer. (Älleani Numperis 18:19, 21, 24.) Chon Lifai ra angei ‘än chon Israel leengol pwe wiser fän iten ar angang.’ Weween pwe ra angei leengolun uwaan ewe fönü me leengolun etenin ekkewe man mi fesir. Iwe mwirin, ekkewe chon Lifai ra pwal eäni asor eü leengolun “ewe kinikin mi fokun mürina” pwe fän iten ekkewe samol fel. (Num. 18:25-29) Ekkewe samol fel ra pwal angei ekkewe asor mi “pin” ekkewe chon Israel ra uweato ngeni än Kot we imwenfel. Ina minne, ekkewe samol fel ra tongeni eäni lükülük woon Jiowa ren tufichin manauer.
Kúkkútta Pwóróus Aúchea
g02-E 6/8 14 ¶2
Salt—Och Mettóch mi Aúchea
Salt a pwal liosuetá núkúnúkéch me nómottam. Ina minne, lón Paipel ewe pwonen etipeeú mi lúkúchar a pwal iteni “eu pwonen salt,” lap ngeni atun ruu pekin ra mwéngéfengen, ra mwéngé fiti salt pwe epwe anúkúchara ar pwon. (Numperis 18:19, footnote) Me ren ewe Allúkún Moses, ewe asor ra asoresini wóón ewe róóng epwe salt, ese mwáál pwe epwe ánnetatá pwe mi liméch.
April 12-18
PWÓRÓUS AÚCHEA SENI KAPASEN KOT | NUMPERIS 20-21
“Kopwe Tipetekison Atun Aramas Ra Áweiresuk”
Sipwe Tipetekison me Apwapwaai Jiowa
19 Epwe eppeti ach sisap kon mwámmwáálliló. Ekiekisefáli Moses. Ren fite fite ier a tipetekison me apwapwaai Jiowa. Iwe nge, arapakkan lesópwólóón ekkewe 40 ier mi áweires lón án ekkewe chón Israel sái lón ewe fénúpéén, Moses ese tipetekison lón eú atun. Fefinan we, ese mwáál ewe a seláni Moses me Isip, a kerán má seni me peias Kates. Iwe, ekkewe chón Israel ra pwal poputásefál le péchéú ngeni Moses pwe a túmúnúngaw ngeniir. Lón ena atun, ra “anini ngeni Moses” wóón nafangawen konik. Inaamwo ika Jiowa a néúnéú Moses le féri chómmóng manaman, me inaamwo ika Moses a pwáraatá ren fansoun langattam an ese ekieki chék pwisin i atun a emmweni ekkewe aramas, nge ekkewe aramas ra chék ngúnúngúnúngaw. Rese chék ánini ngeni Moses wóón nafangawen konik, nge ra pwal ngúnúngúnú, usun itá nge tipisin ar kaka.—Num. 20:1-5, 9-11.
Sipwe Tipetekison me Apwapwaai Jiowa
20 Moses a song, iwe ese chúen pwári tipetekison. Jiowa a fen ereni an epwe fós ngeni ewe achaw, nge Moses ese féri ena, a fen fós fán song ngeni ekkewe aramas me erá pwe pwisin i epwe awora únúmer konik. Mwirin, a wichi ewe achaw fán ruu, me a kkusukusuwu ewe konik. Lamalamtekia me song a efisi an epwe mwáálliló, nge a mmen ámmetek pwúnúngawan. (Kölf. 106:32, 33) Pokiten ese pwári tipetekison lón ena atun, iwe ese mumutá an epwe tolong lón ewe Fénúen Pwon.—Num. 20:12.
21 Sia tongeni káé lesen mi lamot seni met a fis ngeni lón ena atun. Áeúin, a lamot sipwe akkachocho le tipetekison. Ika sise tipetekison ren chék ekis fansoun, iwe lamalamtekia a tongeni ppiitá me efisi ach sipwe eáni fós are féffér mi umwes. Oruuan, aúrek a tongeni apwangapwangaakicheló, iwe mi lamot sipwe achocho le tipetekison, pwal mwo nge fán aúrek.
w09-E 9/1 19 ¶5
Emén Soukapwúng mi Lúkúchar fán Iten Minne mi Pwúng
Áeúin, Kot ese ereni Moses an epwe fós ngeni ekkewe aramas, ika apwúngúúr. Oruuan, Moses me Aaron rese elingaaló Kot. Iei alon ngeniir: ‘Ouse apiniöchüei.’ (Wokisin 12) Ren án Moses apasa, “aipwe atowu koluk,” usun nge a fósur me Aaron pwe ra wisen awora ewe konik, nge esap fen Kot. Aúlúngátin, ewe kapwúng Kot a ngeni Moses me Aaron ar resap tolong lón Kanaan, a chék taitap ngeni an we kapwúng ngeni ekkewe chón Israel, ewe eú táppin aramas mi ú ngeni. (Numperis 14:22, 23) Arúáánún, Moses me Aaron iir chón emmweni Israel. Chókkewe mi watte wiser me ren Kot, a pwal watte met Kot a ewisa ngeniir.—Lukas 12:48.
Kúkkútta Pwóróus Aúchea
Ka Eáni Ekiekin Jiowa Usun án Aramas Apwangapwang?
12 Lón iteiten ekkena fansoun, Jiowa a chék tongeni mwittir ngeni Aaron chappen an kana tipis. Nge Jiowa a silei pwe inaamwo ika fán ekkóch Aaron a apwangapwang, nge esap i emén aramas mi ngaw. Usun weiresin nónnómun Aaron are etipetip seni ekkóch a eriki i seni minne mi pwúng. Nge lupwen emén a apwúngú i, a mwittir erá pwe a mwáálliló me a etiwa án Jiowa kapasen apwúng. (Eks. 32:26; Num. 12:11; 20:23-27) Jiowa a filatá an epwe nefotofot wóón án Aaron lúkú me an aier seni an tipis. Ina minne, fitepúkú ier mwirin, aramas ra chúen chechchemeni Aaron me mwirimwirin kewe pwe iir aramas mi niwokkusiti Jiowa.—Kölf. 115:10-12; 135:19, 20.
April 19-25
PWÓRÓUS AÚCHEA SENI KAPASEN KOT | NUMPERIS 22-24
“Jiowa A Ewili eú Anúmamaw Ngeni eú Feiéch”
bt-E 53 ¶5
Esilefeilin “ewe Pworausen Manau usun Jesus”
5 Lón ach ei fansoun, án aramas eriáfféwúmwááli néún Kot kewe aramas esap tongeni aúkatiw ar angangen afalafal, usun chék lón fansoun ekkewe aposel. Fán chómmóng, pokiten án ekkewe Chón Kraist mi kúna riáfféúmwáál mwékútfetál, lón leenien fétek are lón ekkóch fénú, a álisatá chéúlóón pwóróusen ewe Mwúún Kot ngeni aramas mi nóm lón pwal ekkóch leeni. Áwewe chék, atun ewe Oruuen Maunen Fénúfan, a tufich ngeni Chón Pwáraatá Jiowa ar repwe afalafal lón ekkewe leenien fétek án chón Nazi. Iei alon emén chón Jus mi kúna féfférún ekkewe Chón Pwáraatá me ikena ie: “Tipeppósun ekkewe Chón Pwáraatá Jiowa mi kalapus a alúkúlúkú ngeniei pwe ar lúkú a lóngólóng wóón Paipel, iwe, ua wiliti emén Chón Pwáraatá.”
it-2-E 291
Umwes
Umwesin án Emén Ú Ngeni Jiowa. Ewe soufós Palam a umwes ren an mochen anúmamawa ekkewe chón Israel pwe epwe tongeni angei ewe moni me ren Palak ewe kingen Moap, nge Jiowa a péchékkúl seni me eppeti minne epwe féri. Ewe aposel Petrus a apasa pwe néún Palam “we aas a kapas ngeni lon möngüngün eman aramas o aükätiu än ewe soufos föför mi umwes.” Pokiten umwesin Palam, ena aposel a néúnéú ewe kapasen Krik pa·ra·phro·niʹa, ewe mi tongeni wewe ngeni “emén mi turu seni an ekiek.”—2Pe 2:15, 16; Num 22:26-31.
Kúkkútta Pwóróus Aúchea
Menlapen Poraus Seni Ewe Puken Numperis
22:20-22—Met popun Jiowa a fokkun song ngeni Pelam? Jiowa a fen ereni Pelam pwe esap anumamaua Israel. (Numperis 22:12) Iwe nge, ewe soufos a fiti noun Pelak kewe mwan pokiten a mochen anumamaua Israel. Pelam a mochen apwapwai ewe kingen Moap me angei eu liffang seni atewe. (2 Piter 2:15, 16; Juta 11) Pwal mwo nge lupwen Pelam ese tongeni anumamaua Israel nge a efeiochuur, a chuen kutta ifa ussun epwe apwapwai i ren an ereni ewe king pwe ekkewe fefin mi fel ngeni Paal repwe konfengen me ekkewe re Israel. (Numperis 31:15, 16) An Pelam tipemmong ese aukuk ewe popun a fokkun pwichikkar an Kot song ngeni Pelam.
April 26–May 2
PWÓRÓUS AÚCHEA SENI KAPASEN KOT | NUMPERIS 25-26
“Emén Aramas mi Tongeni Atoto Feiéch Ngeni Chómmóng?”
“Sú Seni Lisowumwáál”
EMÉN chón attau a ló attau wóón féún we. A ekieki eú sókkun iik epwe attaua. A fili met epwe paani me a noutaaló an we ó. Ekiseló chék, ewe iik a okupaló ewe paa me a mmei ewe ó, iwe, a efietá liapan we. A emelimel pwe a silei pwe a filiéch paan mi ngir.
2 Órun 3,500 ier ra ló, emén mwán itan Palam a ekiekiéchú eú sókkun paa epwe paapa. A mochen epwe elliapa néún Kot kewe aramas mi nóm lón ewe Masiesin Moap, kiánin ewe Fénúen Pwon. Palam a tipin erá pwe i néún Jiowa soufós, nge ren enletin i emén mi tipemmóng, me emén a mééni an epwe anúmamaúwa chón Israel. Iwe nge, Palam a efeiéchú chón Israel ren án Jiowa eppeti an esap anúmamaúwer. Palam a fókkun mochen an epwe angei ewe moni, ina popun a ekieki pwe neman a tongeni féri pwe Kot epwe pwisin anúmamaúwa néún kewe aramas ika ra tup le féri tipis watte. Ren án Palam na ekiek a áeá eú paa, weween ekkewe fépwúlún Moap mi fókkun liéch.—Numperis 22:1-7; 31:15, 16; Pwärätä 2:14.
“Sú Seni Lisowumwáál”
4 Met a eselipato ena feiengaw? Chómmóng me lein ekkewe aramas ra ámááraatá letip mi ngaw ren ar tokoló seni Jiowa, ewe Kot mi fen selániir seni Isip, amwéngééniir lón ewe fénúpéén me emmweniéchúúr lón kiánin ewe fénú mi pwonetiw. (Ipru 3:12) Ewe aposel Paulus a ekieki ena mettóch, iwe a makkeei: “Sisap fokun föri föförün lisowu mi fokun ngau usun ekoch me leir ra föri, iwe, lon eu chök rän rüe me ülüngatngeröü ra mäla.”—1 Korint 10:8.
Kúkkútta Pwóróus Aúchea
it-1-E 359 ¶1-2
Kiánin Fénú
Einetin ewe fénú ngeni ekkewe einang a alóngólóng wóón ruu mettóch: úttút, me chóchóón eú einang. Neman ewe úttút, epwe chék mwaren apwúngaló ia ewe fénú eú me eú einang epwe fénúeni, iwe epwe ffatoló álemwirier ren menni kinikinin ewe fénú, áwewe chék ren efeng ika éér, éétiw ika notou, lón eú leeni arapakkan órosset, are lón eú leeni mi panapanetá. Minne a pwá lón úttút, ina met Jiowa a filatá ina minne esap wor lólówó are songfengen lefilen chón ekkewe einang. (SF 16:33) Ren ei pwóróus, Kot epwe pwal emmweni ekkewe mettóch epwe fis pwe epwe pwénúetá minne ewe semelap Jakop a osuni usun, ewe mi mak lón Keneses 49:1-33.
Mwirin an pwúngúló me ren ewe úttút ia eú me eú einang epwe nónnóm ie, a lamot an epwe kapwúngúló úkúkún ewe fénú pwe epwe pwénútá ewe oruuen mettóch: chóchóón eú einang. “Oupwe aineti ewe fanü ren üttüt, aükük ngeni chochon ämi kewe cho pwe repwe fanüeni. Are eu ainang a watte, oupwe awattei fanüan, nge are eu ainang a kükün, oupwe pwal akükünü fanüan. Meni fanü eman a ütti, epwe pwal fanüeni.” (Num 33:54) Minne a pwúngúló me lón ewe úttút ren menni kinikinin fénú eú einang epwe nónnóm ie esap siwil, nge ren úkúkún saisin ewe fénú eú einang epwe álemwiri a tongeni wor ekkesiwilin. Ina minne, lupwen a ffatoló pwe fénúen ewe einangen Juta a kon watte, iwe ekkóch kinikinin a inet ngeni ewe einangen Simeon.—Jos 19:9.