Ewe Rän mi Fokkun Aüchea Lap seni Meinisin

Ina ewe ränin än Jises Kraist mälo. Pwata a fokkun lamot än Jises mälo? Ikkeei ekkewe popun.

Än Jises tuppwöl tori mälo a ännetatä pwe emön aramas a tongeni akkamwöchü än tuppwöl ngeni Kot.

Än Kraist mälo a suuk ngeni ekkoch aramas ar repwe fiti Jises le nemenem lon läng. Pwal och, a pwal atufichi chommong aramas ar repwe pwapwaiti ewe manau esemuch lon paratis woon fönüfan.

Lon ewe pwinin mwen än Jises mälo, a äeä ewe pilawa esor lefen lon me wain mi par mi liosuetä inisin we epwe fangolo. A ereni nöün kewe chon käeö: “Oupwe föri ei pwe oupwe chechchemeniei.” (Luk 22:19) Kopwe chechchemeni ei rän mi lamot?

Chon Pwäratä Jiowa ra etiwok om kopwe fiti ewe Ächechchemen än Jises mälo. Lon ei ier epwe fis ewe Ächechchem lon Arüänü, April 9, mwirin tuputiuen ewe akkar. En mi tongeni fiti lon ewe Kingdom Hall mi kan ngeni leeniom. Kese mochen kopwe eisini ekkewe Chon Pwäratä Jiowa lon leeniom kulokun me ewe leeni epwe fis ie ewe Ächechchem.