Watchtower BIBILIOTEKA ONLINE
Watchtower
BIBILIOTEKA ONLINE
Etxuwabo
  • BIBILIA
  • MANIVURU
  • MATUGUMANO
  • Wita 32
  • Bibilia wa Elabo Eswa

Epaddi eji kunfwanyeya mavidiyu

Onilevelele, kiwodheyile otomola vidiyuya

Miselu Dhili mu Nivuruni na Wita

      • Anju anonfwanya Jakob (1, 2)

      • Jakob onovisasanyedha wi agumane na Ezaú (3-23)

      • Jakob onowana na anju (24-32)

        • Jakob onovahiwa nzina na Izrayel (28)

Wita 32:2

Dhowenjedhedha

  • *

    Entapulela, “sanjarha.”

Wita 32:4

Dhowenjedhedha

  • *

    Obe, “ddikala ninga mwana-wedda.”

Wita 32:12

Dhowenjedhedha

  • *

    Na ebrayiko, “beu.”

Wita 32:25

Mitoma dha esile dhili mwari mwa nivuru

  • Mutonyo wa Opepesana

    Dhowakula dha mwb (2020),

    4/2020,

Wita 32:28

Dhowenjedhedha

  • *

    Nintapulela, “onwana (onvilela) na Mulugu.”

Wita 32:30

Dhowenjedhedha

  • *

    Nintapulela, “kove ya Mulugu.”

Wita 32:31

Dhowenjedhedha

  • *

    Obe, “Peniel.”

  • Bibilia wa Elabo Eswa
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 31
  • 32
Bibilia wa Elabo Eswa
Wita 32:1-32

Wita

32 Jakob ofwara dila yaye, vina anju a Mulugu agumana na iyene. 2 Jakob vawoneliye ohiloga n’otikina: “Eji sanjarha ya Mulugu!” Nona ovaha mburo obule nzina na Maanaim.*

3 Venevo Jakob oharuma anamukatti osogorho waye wi anfwanye mbalaye Ezaú mwilaboni y’o Seiri murudda wa Edom, 4 oharuma na mpaganyo obu: “Mmwaddele dhahi nabuyaga Ezaú: ‘Mudhari wenyu Jakob ologile dhahi: “Ddikala* na Labau ofiyedha ddabuno. 5 Ddikana ng’ombe, buru, mabila, adhari a alobwana, adhari a ayana vina ddinowurumelani muselu obu nabuyaga.”’”

6 Muvirile mudhidhi anamukattiya ahiyelela wali Jakob vina amwaddela: “Nali na mbalinyu Ezaú ovano iyene onowufwarelani na alobwana 400.” 7 Jakob odhugudheya vina ottiddiwa wova onddimuwa, n’eji ogawa nlogo nali na iyene makuru meli, ogawa vina mabila, ng’ombe vina akamelo. 8 Iyene ohiloga: “Akala Ezaú onolupela nikuru nimodha, nikuru nina ninele owodha ottawa.”

9 Mmaleli eso, Jakob ohiloga: “Eh Mulugu wa babaga Abrahamu vina Mulugu wa babaga Izaki, eh Yehova, nyuwo muhiloga ‘Keyelela mwilaboni mwawo vina mwa amudhawo, miyo ddinele wuweddiha na oderetu.’ 10 Kaddinfwanyelela okwela wenyu woweddeyana vina ororomeleya onimutonyihedhinyu mudhari wenyu. Vowi ddabuwaga mwinje Jordau ddanna mukongozo bahi, mbwenyi ddabuno ddikana makuru meli manddimuwa. 11 Ddinowuttiddani myeddo, muddivune mmadani mwa mbalaga Ezaú, vowi ddinomova wi anadhe addilupele miyo vina amayi na anawa. 12 Ddi nyuwo mulogile: ‘Txibarene ddinele wuweddiha na oderetu vina ddinele winjiviha ziza* nawo ninga mutxesa wa mbara, winjivile ohinwodheya okontareya.’”

13 Iyene ohigona venevale, mwa esile dhanna iyene ottukulamo, omusasanyedha sagwati mbalaye Ezaú. 14 Mbuzi dha mukolo 200, mbuzi dha pogo 20, mabila a mukolo 200, mabila a pogo 20, 15 akamelo 30 dhàmwiha na dhing’onodha dhamwa, ng’ombe dha mukolo 40, ng’ombe dha pogo 10, buru dha mukolo 20 vina buru dha pogo 10.

16 Ohaperhekela adhari aye, nikuru nimodha nifwariwaga na nina, vina ohawaddela: “Nikuru nimodha nilapelane na nikuru nina.” 17 Iyene ohimwaddela mudhari woroma: “Akala onogumana na mbalaga Ezaú vina awuvuza: ‘Weyo oli ani, ondhowa wuvi vina dhinama esi dhinsogorha na weyo mwinya bani?’ 18 Omwakule dhahi: ‘Sa mudhari wenyu Jakob. Sagwati dhinuperhekelani iyene nabuyaga Ezaú, vina iyeneya onodha mundduni mwehu.’” 19 Ohimwaddela wanawili, waneraru, vina na otene asogorha na makuru a dhinama: “Mugagumana na Ezaú mmwaddele mazu aba. 20 Vina mmwaddele: ‘Mudhari wenyu Jakob onodha mundduni mwehu.’” Vowi wanloga mmurimani mwaye: ‘Ddigamperhegezela sagwati mbalaga, ddinele owodha onfwasiha. Txino sabwa ya ejuwene onele oddakela pama ddigagumana na iyene.’ 21 Venevo osogorhiha sagwatiya, mbwenyi iyene ohalavi vasanjarhani.

22 Vasogorhova omattiyu obule, iyene ovenya ohattukula awadhiye oheli, adhari aye a ayana eli, vina anaye a azombwe 11, ahabuwa mwinje w’o Jabok. 23 Dhahene ohawabutxa na dhotedhene dhanna iyene.

24 Nomala Jakob ohala yeka. Venevo mulobwana dhahi oroma owana na iyene mpaka vati oya. 25 Moneliye wi kampemberhile Jakob, omuddiginya vangumana nigogoddo na taku; venevo nigogoddo na taku na Jakob nirurumuwa oku awanaga na iyene. 26 Vasogorhova ohiloga: “Kaddittiye ddidhowe vowi vati vanoya.” N’eji Jakob omwakula: “Kaddinauttiye odhowa ohinatti oddiruriha.” 27 Ohinvuza: “Nzina nawo oli ani?” Iyene omwakula: “Jakob.” 28 Iyene ohiloga: “Nzina nawo kaninakale Jakob, ninakale Izrayel* vowi ohiwana na Mulugu, ohiwana na attu vina ohapemberha.” 29 Jakob ohiloga: “Ddinoukumbirha, kaddaddele nzina nawo.” Vano iyene omwakula: “Onddivuzelani nzina naga?” Venevo omururiha. 30 N’eji Jakob ovaha mburo obule nzina na Peniel* vowi ohiloga: “Ddimona Mulugu kove na kove, mbwenyi kaddikwile.”

31 Nzuwa nipattuwile bavirile o Penuél,* mbwenyi iyene wantopinya sabwa ya taku yaye yarurumuwile. 32 Nona ofiyedha ddabuno, ana Izrayel kanja musipe wa taku onkala waddamana na vangumana nigogoddo na taku, sabwani mulobwanaya wahiddiginya musipe onkala waddamana vangumana nigogoddo na taku.

Manivuru a Etxuwabo (1987-2025)
Obudduwa
Ovolowa
  • Etxuwabo
  • Ovahedha
  • Dhosakula
  • Copyright © 2025 Watch Tower Bible and Tract Society of Pennsylvania
  • Nlamulo na Olabihedhana
  • Mukalelo wa Ovolowana
  • Definições de Segurança
  • JW.ORG
  • Ovolowa
Ovahedha