Weyo Onfanyela Okosa Eni?
50 Onofuna okalawo na mukalakala mparaizuni mpu mokoddela?
Baito kasunza vaddiddi esile dhinloga Mulugu. Katamela osunza omwengesa Bibilia.—Joau 17:3; Ovuhulela 1:3.
51 Kasunza vaddiddi mwaha wa Yezu.—Deuteronomo 18:18, 19; Joau 3:16; Merelo 3:19-23.
52 Katamela okosa oderetu bahi vamodha na omwiwelela Yehova.—Roma 6:17, 18, 22.
53 Kobuwela wila Yehova ohiloga wila kanape athu.—Obudduwa 20:13; 1 Joau 3:11, 12.
54 Kanithukule dhilobo dha athu ena.—Obudduwa 20:15; Efeso 4:28.
55 Mulobwana kanfanyela okala ne ogonana muyana, s’ohikala mwadhiye.—Obudduwa 20:14, 17; 1 Tesalónika 4:3.
56 Onowubuwela ayana angasi anrumela Mulugu wila mulobwana akane? Mudhidhi mungasi onfanyela mulobwana okala na mwadhiye?—Wita 2:22, 24; Mateus 19:5, 6; 1 Korinto 7:2, 10, 11.
57 Kobuwela vina wila iyo ninfanyela omwebedha Yehova bahi.—Mateus 4:10; 1 Korinto 8:6.
58 Amilugu osemiwa na maladdaniho kanwodha onikamiha. Sabwa yani?—1 Korinto 8:4.
Jaderetu okana amilugu osemiwa?—Deuteronomo 27:15; 1 Joau 5:21.
59 Ekalelini yabure olabihedha piri obe olowa?—Deuteronomo 18:10-13; Ovuhulela 21:8.
60 Angelo abure obe adomonyo ahimusadduwela Mulugu. Awene anowalabihedha aliba makaga wila apupurutxe athu.—Merelo 16:16.
61 Ninofanyela omulobelela Mulugu. Nlobelo nintapulela ologa na Mulugu, ompanga wila ninofuna omulaba vina okumbirha nikamihedho naye.—Filipi 4:6, 7.
62 Ninofanyela omwiwelela Yezu vina okana nroromelo mwa iyene.—Aebreo 5:9; Joau 3:16.
63 Kobuwela wila iyene okweli wila anobole.—Roma 5:8.
64 Kobuwela wila Yezu ddi Mwene wehu wohoneya. Ninofanyela omwiwelela.—Filipi 2:9-11; Ovuhulela 19:16.
65 Yezu ohiloga wila weyo onofanyela wapanga athu ena dhilobo esi dhaderetu dhinsunziwe vina wila otene abale anfuna omulaba Mulugu anofanyela obatiziwa.—Mateus 28:19, 20; Joau 4:7-15.
66 Mwa dhaene, weyo onofanyela wapanga amarho awo dhilobo esi dhaderetu.—Mateus 10:32.
67 Ogasunza wengesa deretu, onela owodha osunza dhilobo dhina dhinjidhene vina onela wakamiha deretu athu ena.—2 Timoteo 2:15.
68 Yezu wahasunziha vina aima omwiwelela Mulugu. Txipo iyene kanna yambarela mpaka okodda ologa na awene.—Mateus 19:13-15.
69 Mudhidhi wotene ababi anofanyela wasunziha anawa omwiwelela Mulugu vina omukwela.—Deuteronomo 6:6, 7; Vimarya 6:20-22; Efeso 6:4.
70 Ohikala relijiau dhinjidhene dhothiyana thiyana. Masunziho menji a relijiau esi kayo abale ali mBibiliani. Yehova ononiruma onyanyala relijiau dhinkodda osunziha ebaribari.—Ovuhulela 18:4; Joau 4:23, 24.
71 Yehova ohikana velaboni ya vati athu anwodha wusunziha vaddiddi mwaha wa iyene. Weyo onowaziwa?—Merelo 15:14; Roma 10:14, 15.
72 Antxemerhiwa Anamona a Yehova. Ahikana murenddele mukalelani. Ohiziwa sabwaya? Sabwani anokwelana muthu na mukwaye.—Izaia 43:10-12; Joau 13:34, 35.
73 Sabwa ya omukwela vina Yehova, awene ahibatiziwa. Obu bu mukalelo onlagihani vari vanamwinji wila ahinyanyala mweddelo wawa wabure wa okalawo nanda anfuna alabihedhe okalawo wawa mmabasani a Mulugu.—Merelo 2:41.
74 Anamona a Yehova anjedhela okalawo mparaizu muswa vina wokoddela.—Salmo 37:9-11, 29.
Weyo onfanyela okosa eni wila okale vina mpule na awene?—Tiago 1:22, 25; 2:20-26.
75 Kavigumanihe na athu aba wila osunze omulaba Yehova. Awene anomukwela vina anomwiwelela Yehova vamodha na Kristu Yezu. Weyo onowakwela awene? Ogahiziveliwa wakamiha athu ena omuziwa Mulugu?—Joau 6:45-47.
76 Yehova na Kristu Yezu anowukwela nanda anfuna wila weyo okalewo na mukalakala mparaizu.—Joau 3:16.
Esile dhisunzile weyo na wona maladdaniho vina muselu oli munivuruni mpu txibarene dhihuvaha efunelo ya okalawo na mukalakala velaboni ya vati. Ogafuna oziwavi dhilobo esi, ninowuvaha nlago wila ologe na Namona wa Yehova vamuruddani vawo. Obe kaleba, obe kamukumbirhe muthu wila alebele o kathi eli vakukuvi na apale vankala weyo, ninga mutonyihedhiwani va ddimani ya nlagiho eli vanikukuni nanawili na nivuru nthi.