Goi enele ogoma?

TXINI ENLOGA BIBILIA

‘Mulugu . . . onele okuputta muntori bu muntori wa mmentoni mwawa, kunakale vina okwa, kutto, obulela, masegedho.’​—Ovuhulela 21:3, 4, Bíbilia—Malebo Okoddela.

EJO ENATAPULELE ENI WA WEYO

Txibarene kayo Mulugu ontota makattamiho.​—Tiago 1:13.

Ninopangarhazeya oziwa wi Mulugu ononizuzumela.​—Zakariya 2:8.

Njeedhelo nowi goi yotene enele ogoma.​—Masalmo 37:9-11.

NINOFANYEELA TXIBARENE ORUMEELA ENLOGA BIBILIA?

Indde, na sabwa ttaru:

• Mulugu onowidda obure na otabuwa. Kobuwela Yehova Mulugu mooniliye nlogo naye banigatabuwa vaddiddi nsaka na wale. Bibilia onologa wi iyene wahidhugudheya sabwa ya ‘anamapuja awa’.​—Anamathonga 2:18.

  Mulugu ononyonyeya vaddiddi na abale anapuja akwawa. Motagiha Bibilia onologa wi ‘mada a muttu onkuttula nikami nihina muladdu’ elobo enimusilidha.​—Gano 6:16, 17.

• Mulugu onomutanaalela kadda muttu wa iyo. Kayo attu bahi anziwa ‘otabuwa wawa agabulelaga’ mbwenye vina Yehova onoziwa!​—2 Mapadduwo 6:29, 30.

  Modheela Omwene waye Yehova onele ogomiha matabuwo a muttu-muttu. (Mateu 6:9, 10) Mudhidhene obo na okwela waye onele wapangarhaza abale animutamela.​—Merelo 17:27; 2 Korinto 1:3, 4.