NSUNZO 18

Ologa S’ohipipiriha

1 Korinto 9:19-23

YOKOSA: Otole enubuwela anamewa awo, mwa esile dhisunzilani.

Orome wubuwela dhilobo dhaziwani wale. Mwa esile dhaziwani wale wakamihedhe okaana moonelo wottiyana.

Dhilobo dhiziwilani-nawale otapulele momaguva mbwenye mitoma dhiswa otapulele vang’ono-vang’ono.
Opepese vina otanalele. Egawodheya, ovahe dhotagiha dha mapadduwo oziweya. Otanalele mowakwana wiwanana olivo wa dhilobodha na esile dhinfuniwe ologa.

Ogatanalelaga dhilobodha, otamela opuranya dhubuwelo dha anamewa awo modhela otanaalela mavuzo ninga aba ‘txini, sabwaya jani, bani, mudhidhi gani, wuvi, dhavi.’ Ozivihe masunziho awo wakulaga mavuzo otene akosiliwe.
Otonyihedhe ttima ya miseludha. Watonyihedhe anamewa awo oziwa olabihedha maleboya siku na siku. Otanalelege merelo, dhilemelelo, na meddelo a anamewa awo.