Kalabihedha Web Site wehu mmabasani olaleya—‘Mavuzo Owakuliwa m’Bibiliani’

Nivuru “Ensunziha Bibilia” mpaddi wa jw.org ohikaana ddima enloga “Mavuzo Owakuliwa m’Bibiliani.” Akala iyo nihilemeela okosiwa mavuzo ninga aba ninofanyeela omukumbirha mwanamurala wi apepese mu Web site wehu wi afanye dhowakula dha malebo. Mavuzo aba anofanyeela okosiwa wi aromiwena makani mmabasani olaleya. Iyo ninofanyeela osakula nivuzo ninapatta attu enjene mmabasani a olaleya, kanvuze mwanamurala wi aloge ejile enubuweliye, ogamala kamwaddele ejile enloga Bibilia olabihedhaga mitoma mu jw.org. Nigamala, ninomutapulela obe omutonyihedha onfanya iyo miselu dhehu. Mukalelo mwina bwa omuttiya wi iyene mwinyene engese nakulona mu Web site. Mwadhi wa nameddelela milogo dhahi onofanyaga dhopurelamo mwa ologa: “Attu enjene anovuzaga, ‘Ddi Mulugu ontota makattamiho ehu?’ Weyo ogahiziveliwa oziwa yowakulaya mwari mwa asegundu 51?” Agamala iyene onomulagiha vidiu ekosile iyene download mmuttittoni mwaye. Venevo onomariha mwa omulagiha kapitulu 11 ya nivuru Ensunziha Bibilia.