YEDDELO YA AKRISTU

Mabasa Opaka A Sentinela Anariganeliwe Mweri wa Setembro

Orugunuwa elabo yotene attu anofuna opangarhaziwa. (Koh 4:1) Labo noroma na mweri wa Setembro mpaka labo nomariha, ninela origanela mabasa a opaka A Sentinela, nina mpaganyo wa nipangarhazo nolibiha vaddiddi. Okose guru wi wapakele otene A Sentinela ntti. Sabwa yawi yofunetxa yehu j’ologa kakamwe na muttuya wi nimpangarhaze, kanittiye vatakulu vahili muttu marevistaya.

KALOGA DHAHI

“Nsaka notene muttu-muttu onofuna nipangarhazo. Koddi munoziwa onafanyihu nipangarhazona? [Kengesa 2 Korinto 1:3, 4.] A Sentinela ntti ninononihedhamo nipangarhazo nawakwana-wene ninnivaha Mulugu.”

Mwanamuralaya agakela na nttittimiho A Sentinela, . . .

▸ KAMULAGIHE VIDIYU NINIMUSUNZELANI BIBILIA?

Ogamala kalogana omoone akala onorumeela nsunzo na Biblia.

▸ OLOGE MAZU ANFUNA WITA MAKANI A OMWIYELELA MWANA MURALAYA

Mbwenye ohinatti odhowa okose nivuzo ninakuliwe ogeyela, motagiha ninga ntti: “Mulugu onttiyela eni goi okalagawovi?”