“Mwilaboni Mwetemwene Mwali Elogelo Modha Bahi”

11:1-4, 6-9

Vamuthetheni w’Obabel, Yehova ohabalalitxa apaneli mwa orabuliha elogelo yawa. Masaka abano iyene onowataganyiha attu a malogo etene, mahimo etene vina a maziza otene, avahaga ‘elogelo yothorora’ wi awodhe ‘withana nzina Naye, amwebedhaga mumodhani.’ (Sof 3:9; Ovuh 7:9) ‘Elogelo eji yothorora’, ebaribari ya Yehova otaganyiha na nipikirelona naye ninfwanyeya mBibiliani.

Osunza elogelo eswa enogonela vaddiddi, sabwani vanofuneya oziwa mazu ahinewaga muthuya. Enofuneya okosa guru yinjene wi muthuya asunze. N’ekalelo yakakene iyo nigasunzaga elogelo y’ebaribari, yubuwelo yehu enosadduwa. (Rom 12:2) Osadduwa oku oniwawanana na otaganyiheya wa nlogo na Mulugu wi nikale mumodhani.—1Kor 1:10.