Weyo Onopurelamo Wengesa Wawo wa Malebo a Siku na Siku?

Mwari mwa masunzo awo a mazu a Mulugu onotaganyihagamo vina Malebo a Siku na Siku? Akala kunkosaga, enowodheya oroma okosa ovanene? Attu ejene anowengesa malebo a siku na siku. Venevo anokana yawubuwela mwari mwa mabasa awa a labo-labo. (Jos 1:8; Masal 119:97) Onawodhe dhavi opurelamo venjene Malebo a siku na siku? Wengese nlebona mBibiliyani wila owodhe ononelamo enfunani ologa. Otamele ononelamo nipadduwona ninlogiwa vanleboniva. Ogamala ovirihemo Malagoya mwigumini mwawo. Ogedda na Mazu a Mulugu mwari mwa dhokosa dhawo, onela wona wi onela okana yopurelamo vaddiddi.—Masal 119:105.

Anamudhi o’Betel ali orugunuwa elabo yotene anosunzaga Malebo a Siku na Siku, malabo otene na membesi. Vyaka esi dha ovanene, masunziho aba anowikiwa mu JW Broadcasting^® mpaddi wa MAPOROGARAMA NA DHOWIREYA. Wahiromaga wona masunzihoya ekiwemo? Onodha ofwanya muselu onfuniwe vaddiddi. Ninga motagiha, empadduwele Lot enusunziha nni?

KOONA VIDIYU KAMFILELE MENTO ELABO NA DHILIMO (1JO 2:15), OGAMALA WAKULE MAVUZO ABA:

• Magano gani a Bibilia ali niparha na Webedha oku wa Membesi?

• Yopadduwa ya Sodoma na Gomora enoniha dhavi ngovi ya ofilela mento elabo na dhokalamodha?—Wita 13:12; 14:12; 19:3, 12, 13, 24-26

• Iyo ninlagiha dhavi wi ninomukwela Yehova ottiya okwela dha mwilaboni?