Kalabihedha Nivuru Kajavo Egumi Yamukalakala! wi Wunuwihe Omuroromela Wawo Yehova vina Yezu

Wila amwagalalihe Yehova, anamasunza a Bibilia anofwanyela wunuwiha nroromelo nawa. (Aheb 11:6) Enowodheya oddiginya mirima dhawa nilabihedhaga nivuru Kajavo Egumi Yamukalakala! Munivuruni ntti munofwanyeya malebo a makamaka, mazu ononeleyamo, mavuzo a maka-maka, mavidiyu otikiniha vina mafoto okoddela. Nigamukamihedhaga namasunza wunuwihaga mikalelo dha Okristu vina mandano aye na Mulugu, ninomaga na dhipano dhihinzwa na motto.—1Kor 3:12-15.

Attu ena ahikana makattamiho a wubuwela okala amarho a Mulugu, sabwani kanwodha omona. Sabwa ya ejuwene enofuneya wakamihedha wi awene onuwihe nroromelo noliba modhela mikalelo dhokwela dha Yehova.

KOONA VIDIYU KONUWIHA OMUROROMELA WAWO YEHOVA OLABIHEDHAGA “KAJAVO EGUMI YAMUKALAKALA!” OGAMALA WAKULE MAVUZO ANFWARELA:

• Ninziwa dhavi wi murogora ohivisasanyedhela deretu nsunzona?

• Iyene olabihedhile dhavi mavuzo otanaleleya wi one monelo wa namasunzaya mwaha wa nlebo na Izaiya 41:10, 13?

• Versu ya mBibiliani vina vidiyu dhimukamihedhile dhavi namasunzaya?

Attu ena kannonelamo txini entapulela yobolo obe kannonelamo wi yobo mvaho wa Yehova. (Gal 2:20) Nona, enofuneya wakamihedha awene ororomela mukutto wa Yezu.

KOONA VIDIYU KONUWIHA OMUROROMELA WAWO YEZU OLABIHEDHAGA “KAJAVO EGUMI YAMUKALAKALA” OGAMALA WAKULE MAVUZO ANFWARELA:

• Ninziwa dhavi wila mbali ohivisasanyedhela deretu nsunzona?

• Iyene owodhile dhavi olabihedha epaddi “Tamela Ononelamo Deretu” wi amukamihedhe namasunzaya?

• Nlobelo nikaleleni na maka-maka mwa namasunza?