YEDDELO YA AKRISTU
Owaralihe Nroromelo Nawo na Nzu na Mulugu
Nzu na Mulugu ninowodha otxinja egumi yehu. (Aheb 4:12) Wi niwodhe opurelamo masunzihoya, ninofwanyela okana ebaribari wi txibarene ntti “nzu na Mulugu.” (1Tes 2:13) Bibilia anawodhe dhavi owaraliha nroromelo nehu?
Labo na labo wengesege versu dhing’onovi dha Bibilia. Ogengesaga, ovedege ezinddiyelo enoniha wi Yehova ddi Mwinya wa Bibilia. Motagiha, koona eziwelo enfwanyeya munivuruni na Gano vina mukalelo ompattani egumi yehu.—Gano 13:20; 14:30.
Okane yogana ya omusunza Bibilia. Otamele osunza dhilobo dhinoniha wi Bibilia nzu na Mulugu. Odhowe mu Guia de pesquisa para Testemunhas de Jeová, mutxiddo mwa “A Bíblia” ogamala otamele mutoma “É mesmo inspirada por Deus?” Onele owodha owaraliha nroromelo nawo mwa oziwa wi muselu wa Bibilia kuntxinja, ogapepesa muselu onfwanyeya mu Apêndice A3 Tradução do Novo Mundo.
KOONA VIDIYU NINFWANYELELA ENI OROROMELA . . . MAZU A MULUGU, OGAMALA WAKULE MAVUZO ANFWARELA:
Malebo afwanyiwe mu viruguni dha mpara dha Ejipitu anoniha dhavi ebaribari ya Nzu na Mulugu?
Ninziwa dhavi wi muselu wa Bibilia kutxinjile?
Okalawo wa Bibilia mpaka masaka abano enoniha dhavi wi Nzu na Mulugu?—Kengesa Izaiya 40:8