Kakamihedhe Anamudhi Awo Okana Wagalala

Yehova onfuna wi anamudhi agalale. (Masal 127:3-5; Koh 9:9; 11:9) Mbwenyi makattamiho a elabo eji, na dhovonya dha attu ena vamuralani, dhinodhaga onittukulela ohikana wagalala. Txini enfwanyela okosa muttu-muttu wi akamihedhe murala waye okana wagalala?

Mamuni onofwanyela omurhemeza mwadhiye. (1Ped 3:7) Onotamela mudhidhi wa okala na mwadhiye. Onotamalela dhetene dhinkosiye vamuralani vina kanimukumbirha okosa elobo ehinwodhiye. (Kol 3:15) Iyene onotonyihedha omukwela mwadhiye na mazu vina merelo ottiya ejo onomutamalela.—Gano 31:28, 31.

Muteliwi onofwanyela omukamihedha mamune. (Gano 31:12) Onofwanyela omukurumuwela mamune vina olaba na iyene. (Kol 3:18) Onologa pama na mamune vina agakala na attu ena onomuloga deretu.—Gano 31:26.

Amambali anofwanyela otamela mudhidhi wa okala na aniwa. (Olib 6:6, 7) Awene anowapanga aniwa wi anowakwela. (Mt 3:17) Anowasaddeya aniwa nokwela vina ovipimelela.—Ef 6:4.

Aima anofwanyela wariha vina wawiwelela amambali awa. (Gano 23:22) Awene anowapanga amambali awa dhinapadduwela vina dhiniwamo awene. Anorumela osaddeyiwa na amambali awa vina anowariha.—Gano 19:20.

KOONA VIDIYU WUNUWIHE WAGALALA VAMURALANI VAWO, OGAMALA WAKULE NIVUZU NTTI:

Txini ekosile muttu-muttu wi akamihedhe wagalala vamuralani?