YEDDELO YA AKRISTU
Amambali—Mwakamihedhe Aninyu Ovirihamo Dhinsunzani na Yehova
Mukalelo mmodha wamakamaka wa amambali wakamihedha anawa ovirihamo esile dhinsunzani na Yehova j’owakamihedha opurelamo matugumano. Dhinona awene, dhiniwani vina dhowakula dhawa mmatugumanoni, dhinele wakamihedha osunza mwaha wa Yehova vina okala marho waye. (Olib 31:12, 13) Akala wa mambali, onamukamihedhe dhavi mwanawo opurelamo dhinsunziye mmatugumanoni?
Ovilibihedhege odhowa omatugumanoni.—Masal 22:22
Otamele mudhidhi wa ologa na abali o Nyumbani ya Omwene matugumano ahinaroma vina agagoma.—Aheb 10:25
Wakamihedhe anamudhi awo wi muttu-muttu akane nivuru na osunzana omatugumanoni, n’opidiwa obe na mutelefonini
Wakamihedhe anawo wi avahege dhowakula na mazu awa. —Mt 21:15, 16
Ologege nolibiha sabwa ya matugumano vina masunziho anakela weyo omatugumanoni
Wakamihedhe anawo osela vina okuputta Nyumba ya Omwene vina alejelege abali owunuwelavo a mmulogoni
Wakamihedhe anawo ononelamo wi okana mandano ofiyedheya na Yehova enofuneya ovilibihedha vina dila dhina enodhaga woniwa ninga elobo yolemiha. Mbwenyi okane ebaribari wi Yehova onele wukamihedha.—Iza 40:29.
KOONA VIDIYU AMAMBALI MMUKULUVELE YEHOVA VINA GURU DHAYE, OGAMALA WAKULE MAVUZO ANFWARELA:
Olema wapattile dhavi Zack na Leah?
Amambali anakuluvele dhavi guru dha Yehova?
Zack na Leah akuluveli dhavi guru dha Yehova?