Bani Witile Nikuru na Anamoona a Yehova?

Nikuru na Anamoona a Yehova a masaka abano niromile sekulu 19. Nsaka nttile, nikuru ning’ono na anamasunza a Bibilia nakala vakuvi na Pittsburgh, Pensilvânia, o Estados Unidos, ahiroma omusunza Bibilia n’ofwaseya. Awene anladdaniha dhasunziha makapela mena na esile dhasunziha Bibilia txibarene. Venevo aroma ovuwiha monelo dhawa mmanivuruni, mmajornalini vina mmarevistani abene ankuweliwa masaka abano Mwang’aneli—Onvuwiha Omwene wa Mulugu.

Mulobwana modha wororomeleya wakosa epaddi ya nikuru ntti na anamasunza a Bibilia, wakuweliwa Charles Taze Russell. Masiki akalaga musogoreli wa nikuru nttile nattidda mabasa abale a Mulugu vina sabwa ya okala muttu woroma wamusasanyile Mwang’aneli, Russell ketile relijiau eswa. Efunelo ya Russell vamodha na anamasunza ena a Bibilia, yali ya ovuwiha masunziho a Yezu Kristu vina ofwara yotagiha ettiyile Akristu a masaka-o’roma. Vowi ddi Yezu witile oKristiyanismo, ddi iyene vina witile nikuru nehu.—Kolosi 1:18-20.