Kala Muttu Wa Okwela

Niparha na Makaniya

Enorutxa vaddiddi oburutxamo mmirimani mwehu ekalelo ya watanya attu akwihu. Otanya onkala ninga mutipa onkala mmaningoni, onitotelagamo eredda; opawa enorutxa vaddiddi, yakakene jimpadduwa na ekalelo ya otanyana. Txini enfwanyeliwe okosa wi oburutxemo mmirimani mwawo ekalelo eji?

Txini Enloga Bibilia

“Empitha dhetene eso okwelana; vowi okwelana onowakwaniha wiwanana wa athu.”—KOLOSI 3:14.

Eji Entapulela nni? Wakosela attu ena opama onowiwananiha. Ogenjivihaga wakwela wawo attu, pavenevo vanawodhiwe wurudha ekalelo ya otanya. Okwela oku ogenjivaga mmereloni mwawo, murima wawo onela ofuga misuwo dha otxiga vina otanya.

Txini Enfwanyeliwe Okosa

Katamela marhe a waweddiha na okwela attu a nikuru ninoniwe ninga ttotowa ttima. Karoma ofarihedhamo malago aba:

• Kakosele merelo apama attu a nikuruna ntto, mwa ottiddela musuwo wi awene abudduwe obe avolowe, vina mwa wavaha mpaddo wi agilatele akala muli mmukukuttani.

• Kavilibihedhe ologa na awene, masiki akala kanwodhetxa ologa elogelo yawo.

• Okane ekalelo ya wavilela, sabwani andaga wira ehinnonelamo weyo.

• Wavuruwanege akala awene anologa dhinazuzumiha.