Nsunzo 3

Yezu Kristu Bani?

Sabwa gani enkuweleliwa Yezu Mwana “oroma” a Mulugu? (1)

Ontxemereliwani vina na “Nzu”? (1)

Yezu odhelini elabo ya vati ninga mulobwana? (2-4)

Okoselini matikiniho? (5)

Yezu onakose eni musongorho vakukuvi? (6)

1. Yezu ohikala odhulu ninga muthu wamuzimu ahinathi odha elabo ya vati. Iyene ddali yothandda yoroma ya Mulugu nona agatxemeriwa Mwana “oroma” a Mulugu. (Kolosi 1:15; Ovuhulela 3:14) Yezu ddi mmodha bahi Mwana Mulugu omuthanddiliye yeka. Iyene olaba na Yezu woroma-wa athu ninga “nameddiha mabasa” wi asasanye dhilobo dhina dhotene odhulu na vati. (Vimarya 8:22-31; Kolosi 1:16, 17) Mulugu ohilabana vina ninga mulogi wamakamaka. Nona Yezu agatxemeriwa vina “Nzu”.—Joau 1:1-3; Ovuhulela 19:13.

2. Mulugu omuruma Mwanaye elabo ya vati nomwaliha egumi yaye mpaka m’bani mwa Maria. Vowi Yezu kakanile wene babi amuthu. Ji sabwa ya ejene yakoddeli obaliwana ne yothega ne ohiligana. Mulugu omuruma Yezu elabo ya vati na sabwa tharu: (1) Wi anisunzie ebaribari ya Mulugu (Joau 18:37), (2) wi akale owimela ji na ntidi, baganivaya dila wi iyo ninfare (1 Peduru 2:21), vina (3) wi avahe egumi yaye, wi anobole mwa yothega na okwa. Koddi yafuneyela eni ejene?—Mateus 20:28.

3. Na sabwa yohiwelela nlamulo na Mulugu, mulobwana woroma, Adamu, ohikosa ejile entxemera Bibilia “dabi”. Mwa ejene Mulugu omuthongela okwa. (Wita 3:17-19) Iyene kali vina ofanyelela magano a Mulugu, vowi iyene kali oligana vina. Vañgono vañgono owuluvala mmaleliye okwa. Adamu owaraviha dabi anae otene. Nona iyo notene nigoluvala, nigabulela vina okwa. Egawodheile dhavi wobola elabo yotene?—Roma 3:23; 5:12.

4. Yezu ali muthu womaningoni ohikana dabi, oligana na Adamu. Othiana na Adamu, ngani, Yezu ali owiwelela wene kakamwe wa Mulugu, na vary vowehiwa worutxa. Mwa ejene iyene owodha ovaha egumi yaye ya omuthu yoligana na sabwa ya dabi ya Adamu. Eji jijile entxemera Bibilia “yobolo”. Dhaene ana Adamu agaikala ovuniwa vari va othongeliwa okwa. Otene abale anlagiha nroromelo wa Yezu anokana dabi dhawa dholeveleliwa vina anothambira egumi yohimala.—1 Timoteo 2:5, 6; Joau 3:16; Roma 5:18, 19.

5. Yezu agali elabo ya vati, iyene owavulumutxa aredda, owajiha aliba dala vina omaliha pevo yambara. Ofyedha wavenyiha akwile. Okoselini matikiniho? (1) Aikana supaje na athu abale atabuwa ohifuna wi akamiedhe. (2) Matikiniho aye ahilagiha wi iyene ali Mwana a Mulugu. (3) Ahilagiha enakose iyene wa athu otene amwilaboni animwiwelela agathongaga ninga Mwene va elobo ya vati.—Mateus 14:14; Markos 2:10-12; Joau 5:28, 29.

6. Yezu ohikwa vina ohisisimusiwa na Mulugu ninga muthu womuzimuni, ohiyelela odhulu. (1 Peduru 3:18) Oromana venevale, Mulugu ohimukosa Mwene. Momaguvamwene, Yezu onela okuputha va elabo ya vati obure wotene na goy yotene.—Salmo 37:9-11; Vimarya 2:21, 22.

[Mafoto vanikukuni 7]

Mabasa a Yezu ahitaganyihana osunziya, okosa matikiniyo ofiyedha opereka egumi yaie na okala wehu