Nsunzo 16

Osakula Wawo Womulabela Mulugu

Onfanyela okosa niya wila okale marho a Mulugu? (1, 2)

Emperekiwa dhavi egumi wa Mulugu? (1)

Onabatiziwe mudhidhi gani? (2)

Onafwanye dhavi guru wila okalevi omuroromela Mulugu? (3)

1. Wila okale marho a Mulugu, weyo onofanyela okana eziwelo yapama ya ebaribari ya Bibilia (1 Timoteo 2:3, 4), okane nroromelo mwa dhilobo dhisunziliwe (Aebreo 11:6), otxinue mwa dhothega (Merelo 17:30, 31), vina ozugunuwe mmukaleloni ya egumi enthukuliwe. (Merelo 3:19) Dhaene okwela wawo wa Mulugu onofwanyela wuthukula wila ovipereke wa iyene. Eji entapulela wila mu nlobelo nawo, weka, weyo onomwaddela wila ovipereka wila okose efunelo yaye.—Mateus 16:24; 22:37.

2. Ogamalile ovipereka wa Mulugu, onofwanyela obatiziwa. (Mateus 28:19, 20) Obatizo onowaziwiha athu otene yowi weyo ovipereka wa Yehova. Sabwa ya eji, obatizo kwa athu abale ana saizi yowakwanela wila asakule omulabela Mulugu. Muthu agabatiziwaga, maningo aye otene anofwanyela obwinihiwa mmanjeni mudhidhi muñgonovi.a—Markos 1:9, 10; Merelo 8:36.

3. Ogamalile ovipereka, Yehova onjedhela wila okale mwari mwa nlagano nikosilewe. (Salmo 50:14; Eklesiaste 5:4, 5) Ddiabo onele oveda wuthiyha omulabela Yehova. (1 Peduru 5:8) Mbwenye kanfiyedhe Mulugu mu nlobelo. (Filipi 4:6, 7) Kasunza Nzu naye masiku otene. (Salmo 1:1-3) Kakalavi ogumana na mulogo. (Aebreo 13:17) Ogakosa dhotene esi, onela okana guru dhofwanyela wila okalevi omuroromela Mulugu. Dhaene onela owodha okosa na mukalakala dhilobo dhimfuna Mulugu wa weyo!

[Dhowenjedhedha dhili mutxiddo]