Mulugu Ddi Marho Waderetu Vaddiddi Agawodhiliwe Okana

Odha okala marho wa Mulugu ji elobo yaderetu egopadduweli. Mulugu onela wusunziha okala wosanzaya vina wobareleya, ovunaga mwa masunziho menjene abure vina merelo amputhula. Iyene onela ovuruwana malobelo awo nanda onela wukamiha okana murenddele na nikuluvelo mmirimani. (Salmo 71:5; 73:28) Mulugu onela wuthiddela mmidhidhini dha makathamiho. (Salmo 18:18) Nanda iyene onowuvaha mvaho wa egumi ya mukalakala.—Roma 6:23.

Ogamususela Mulugu, weyo onowasusela amarho a Mulugu. Aba vina anela okala amarho awo. Txibarene, anakale ninga abali vina arogori awo. Anela oziveliwa wusunziha elobo mwaha wa Mulugu, nanda awene anela wukamiha vina wulibiha.

Iyo kaninligana na Mulugu. Oku bugatamela omarho na Mulugu, onofanyela ononelamo elobo yamakamaka: omarho na Mulugu kayo omarho ninga okule ona athu na athu akwawa. Iyene munddimuwa vaddiddi nanda dda zelu vaddiddi vina dda guru opitha iyo. Ddi Mulamuleli onfanyela onilamulela. Mwa dhaene, nigafuna okala amarho aye, ninofanyela onvuruwana vina okosa ejile ennirumiye. Mudhidhi wotene eji enela onikosa deretu.—Izaia 48:18.