Amarho A Mulugu Anorabela Dhilobo Dhabure

Satana onowanyengetha athu wila akose dhilobo dhabure. Muthu oddule onfuna okala marho wa Yehova Mulugu onofanyela widda ejile enidda Iyene. (Salmo 97:10) Esi si dhilobo dhina dhinrabela amarho a Mulugu:

Dhothega dha ogonihana. “Kuraruwe.” (Obudduwa 20:14) Ogonihana matelo ahinathi kwabure vina.—1 Korinto 6:18.

Olezela. ‘Alezeli kanakele omwene wa Mulugu.’—1 Korinto 6:10.

Ompa muthu, oraila yari. “Kumpe muthu.”—Obudduwa 20:13.

Wiya. “Kuwiye.”—Obudduwa 20:15.

Ologa dhothambi: Yehova onowidda “nlumi ninloga othambi”.—Vimarya 6:17.

Otimbwini na owali wohañganeliwa: “Yehova . . . txibarene onomwidda muthu oddule onkwela otimbwini.” (Salmo 11:5) “Merelo a maningo [anotaganyiheya na] . . . owali wothidda motho.”—Galásia 5:19, 20.

Mugunddu. “[Katxelelani] wedda na muthu . . . oli mukumbela vaye.”—1 Korinto 5:11.

Widdana wa malogo obe maziza. “Mwakwelegevi amwiddani enyu vina mwalobelelege abale anuthamagihani.”—Mateus 5:43, 44.

Ejile ennipanga Mulugu ja oderetu wehu. Orabela okosa dhilobo dhabure onorutxa. Na nikamiho na Yehova vina na Anamona aye, weyo onela owodha orabela okosa esile dhinimusilidha Mulugu.—Izaia 48:17; Filipi 4:13; Aebreo 10:24, 25.