EPADDI 1

Nininvuruwana Dhavi Mulugu?

Mulugu onloga na iyo modheela Bibilia. 2 Timóteo 3:16

Wirimu oliye, Yehova ohattoma alobwana a velaboni ya vati wi amulebe Bibilia

Mulugu webaribari ohaweeddiha attu wila alebe nivuru naye nokoddela. Nttene nintxemerhiwa Bibilia. Nivuru ntti, nihikaana miselu dha ttima, esene dhinfuniye wila weyo oziwe.

Mulugu onoziwa ejile eli yapama wa iyo, vina ddi iyene oli nipara na zelu yotene. Oganvuruwana onele okana zelu txibarene.—Gano dh’olelana 1:5.

Bibilia otapuleliwa mu dhilogelo gwe, mulobwana onimwengesa Bibilia na elogelo yaye

Mulugu onfuna wila attu otene velaboni ya vati amwengese Bibilia. Oddu onowengesiwa mu dhilogelo dhinjidhene.

Ogafuna onvuruwana Mulugu, onofanyeela omwengesaga vina omunonelamo Bibilia.

Ozugunuwa elabo yotene attu anonvuruwana Mulugu. Mateu 28:19

Munamoona wa Yehova onomwengesela malebo muttu mwina, nanda anomusunza Bibilia vamodha

Anamona a Yehova podi wukamiha omunonelamo Bibilia.

Awene anosunziha ebaribari ya Mulugu ozugunuwa elabo yotene.

Matugumano ankosiwa mu Numbani y’Omwene ya Anamoona a Yehova

Weyo kumpitxela elo masunziho aba. Weyo vina podi osunza dha Mulugu mu Numba ya Omwene ya Anamona a Yehova waddamana na vatakuluvawo.