Yezu Wali Ani?

Yehova wahimuruma Yezu odha velaboni yavati. 1 Joau 4:9

Nigafuna omuhagalaliha Yehova, ninofanyeela onvuruwana muttu mwina wa ttima. Wale vaddiddi ahinamuttandda Adamu, Yehova ohimuttandda odhulu muttu wa omuyani waguru vaddiddi.

Na ovira wa mudhidhi, Yehova ohimuruma muttu oddu wila abaaliwe mmuttetteni wa Belemi na muyana wahamuziwile mulobwana oddwene watxemerhiwa Maria. Mwana oddu ohivahiwa nzina na Yezu.— Joau 6:38.

Bali velaboni ya vati ninga muttu, Yezu wahilagiha kakamwe mikalelo dha Mulugu. Iyene wali wa oddiddi, wokwela vina wofiyedheya. Na oliba murima, iyene wahasunziha attu ena ebaribari ya Yehova.

Yezu wankosa oderetu, na dhaenevi wanniddiwa. 1 Pedru 2:21-24

Yezu vina wahavulumutxa aredda nanda baavenyiha mu okwani abale aakwile.

Asogorheli a relijiau annimwidda Yezu sabwani iyene wampambiha masunziho awa a ottambi vina mikalelo dhawa dhabure.

Asogorheli abale a relijiau ahakokomeza akadda Roma wila amusosotte Yezu vina ampe.