EPADDI 8

Okwa wa Yezu Ontapulela Eni wa Weyo?

Yezu wakweli wila iyo nikalewo. Joau 3:16

Muyana onowang’ana mudhi wa Yezu muhili elo

Malabo mararu mukweli Yezu, ayana aahidhowa woona omasiye nanda kanfanyilemo. Yehova wahimala onvenyiha Yezu mu okwani.

Yezu onowattanyuwela anamafwara aye, nomala onowela wirimu

Musogorhomwa Yezu wahattwanyuwela arumiwi aye.

Indde, Yehova wahinvenyiha Yezu mu okwani ninga muttu waguru, vina yottanddiwa ya omuyani ehinkwa. Anamasunza a Yezu ahimoona bagadhowa odhulu.

Mulugu ohinvenyiha Yezu mu okwani venevo bamukosa Mwene wa Omwene wa Mulugu. Daniyel 7:13, 14

Ovenyedha wirimu ompaddoni waye w’Omwene, Yezu onowalamula attu otene mparaizu velaboni ya vati

Yezu operhekile egumi yaye wila awobole attu. (Mateu 20:28) Modheela yobolo eji, Mulugu ohinifugulela dila ya okalawo na mukalakala.

Yehova ohimuttoma Yezu okala Mwene wila alamulele elabo ya vati. Vamodha na iyene onele okala attu ororomeleya owakwana 144.000 abene anvenyihiwa velaboni ya vati wila akalege odhulu. Yezu vamodha na abale a 144.000 anokunga nlamulelo noligana na odhulu—nttene nili Omwene wa Mulugu.—Ovuhulela 14:1-3.

Omwene wa Mulugu onele okaliha paraizu elabo eji. Koddo, opanga, oyelega vina dala kadhinakalewo viina. Attu txibarene anele osanzaya.—Masalmo 145:16.