Onimoona dhavi Bibilia?
Weyo ogalogile wi . . .
nivuru na eziwelo ya attu?
nivuru nihinloga ebaribari?
Nzu na Mulugu?
TXINI ENLOGA BIBILIA
“Dhetene dhilebiwe Mbibiliani, wobuweliha ddi Mulugu.”—2 Timóteo 3:16, Bíbilia—Malebo Okoddela.
EJO ENATAPULELE ENI WA WEYO
Dhowakula dhaderetu dha makatamiho manddimuwa a egumi.—Gano 2:1-5.
Malago okuluveleya a egumi ya labo na labo.—Masalmo 119:105.
Njeedhelo nokuluveleya na musogorho.—Roma 15:4.
NINOFANYELA TXIBARENE ORUMEELA ENLOGA BIBILIA?
Indde, na sabwa ttaru:
Wiwanana wotikiniha. Bibilia olebiwe na attu 40 ottiyana mwa vyaka 1600. Attu aba owinjivaya kaziwanile. Vina dhigalivi dhaene nivuru nowiwanana, na miselu dhamakamaka!
Dhopadduwa dha txibarene. Anamaloga dhopadduwa a elabo anovita dhovirigana dha nlogo nawa. Anamaleba Bibilia aleba dhovirigana dhawa vina dha attu awa.—2 Mapadduwo 36:15, 16; Masalmo 51:1-4.
Mavuhulo okuluveleya. Vyaka 200 dhihinatti ofiya Bibilia wahiloga onongiwa wa kwatti yawale ya Babilonia. (Izaiya 13:17-22) Wahilogiwa kayo bahi mukalelo ogagwile Babilonia mbwenye vina nzina na muttuya agasogorele!—Izaiya 45:1-3.
Dhovuhulela dhina dha Bibilia dhahakwaniheya dhotedhene. Kahiyo etxuwene enjedhelehu na Nzu na Mulugu?—2 Pedro 1:21.
WI NITANAALE SABWAYA
Mazu a Mulugu anwodha dhavi okamiha egumi yawo?
Bibilia onowakula nivuzo ntti va IZAIYA 48:17, 18 vina va 2 TIMÓTEO 3:16, 17.