Gabrieli Onomwaredhela Maria

Elizabeti okana mmudhaye onkuweliwa Maria, onkala o sidadi ya Nazareti o Galileya. Mariayá weddeleliwa na José wali namasema. Mweri wa notamu na mmodha wa yari ya Elizabeti, mungelo Gabrieli onfiyedha Maria. Ologana: ‘Osanzaya okale na weyo Maria. Yehova oli na weyo.’ Maria kaziwelamo yatapulelani. Venevo Gabrieli odhowanavi: ‘Onombala mwana-mulobwana onamuttuvewi nzina na Yezu. Iyeneyá onele okala Mwene. Omwene waye kunagome.’

Maria ologa: ‘Miyo kaddinamuziwa mulobwana. Enowodheya miyo okaana mwana?’ Gabrieli ompanga: ‘Mulugu kanrutxiwa elo. Muya wa Mulugu outitela nanda onele okana mwana. Mmudhawo Elizabeti vina okana yari’. Venevo Maria ologa dhahi: ‘Miyo ddili mwimeleli wa Yehova, dhireye dhilogilenyu.’

Nomala, Maria ovenya odhowa omoona Elizabeti. Mfiyedheyi amulejela, Elizabeti ohona yari yaye txigaddiginyeya. N’odhala muya wa Mulugu, ologa dhahi: ‘Maria, Yehova ouvahani gari. Yehova oddivaha gari yomona mai wa Nabuya waga.’ Maria omwakula: ‘Murima waga onomuttabela Yehova.’ Maria okala na Elizabeti myeri miraru, novenya ohiyelela owani-waye o Nazareti.

José mwiweliye wila Maria okaana yari, wahubuwela omuttiya. Mwa venevo, odheliwa mungelo murohani, omwaddela: ‘Kuwove omuttukula Maria, iyene kerile elobo yabure vamentoni va Mulugu.’ Noona José omuttukula Maria bakala mwadhiye.