Omaromelo wa Epaddi 12

Yezu ahasunziha attu mwaha wa Omwene wa wirimu. Ohapanga vina wila alobelele okoddelihiwa wa nzina na Mulugu, odha wa Omwene waye, vina wi efunelo yaye yireye velaboni ya vati. Akala oli mambali, kamwaddele mwanawo entapulela nlobelona ntti wa iyo. Yezu kamuttiyile Satana ogwadda weddeyana waye. Iyene ohasakula arumiwi aye, abene akalile musatti wa Omwene. Ziwá wi Yezu wali muttu wazuzumela webedha webaribari. Iyene wannazuzumela attu vaddiddi, noona ohavulumutxa aredda, wahajiha anyadala, vina ahavenyiha amarafula. Matikiniho otene erileyé, anlagiha ejile enakose Omwene wa Mulugu.