Mpaganyo wa Atugumani

MATUGUMANO A VAWOKA

MATUGUMANO A VAWOKA ESKOLA YA ANAMALALEYA A OMWENE Apionero ana vyaka 23 mpaka 65 abuwene anfuna wenjedhedha mabasa awa, anowobeliwa okala vamutugumanoni wa abale anfuna okosa Eskola ya Anamalaleya a Omwene Ddimingu na mutana. Mburoya na mudhidhiya onfuna okosiwa mutugumano obu onele olaleyiwa.

MPAGANYO WA ATUGUMANI

ANAMATONYA Anamatonya attomeliwe wukamihedha. Ninoukumbirha wila wawiwelelege kakamwe ofwaraga musogorhelo wawa mowiwanana na vego vowimetxa mukukutta, waweeddiha attu, ottidda mpaddo na dhilobo dhiina.

DHORIMEELA DHIFWANYIWE Dhilobo dhotene dhinddoddiwa dhinofwanyela odhowiwana okule oli Mparha wa Dhorimeela Dhifwanyiwe. Akala ohirimeeliwa elobo kadhowa wenewo woone akala ehifwanyiwa. Aima arimelile nanda aneedda woka ahiziwaga oli amambali awa, aveleliwe mburo obu. Noona, mwawang’anege aima wi anadhe avahe muttorho.

MABASA A OVIPERHEKA Akala onofuna oviperheka wila okamihedhe mabasa a mutugumano obu wa Ttattamwa, kaapange abale ali mparha obu.

MPADDO Ninoukumbirha wila warihe attu ena. Kobuwela wila mpaddo sofuneya okoyeliwa abale adhile na nyuwo bahi, ankala na nyuwo numba modha obe animusunza Bibilia na nyuwo. Yofuneyaya jawila kamuttiye bure-bure dhitagano vadhulu va mpaddo waddamana na nyuwo.

NIKAMIHEDHO NA EGUMI Muhidduwale wi masasanyedho aba B’EREDDA YORURUMUTXA BAHI.

NVAHO Vahinongiwa muttengo mwinjene wila vakale mipaddo dhofwanyela, dhipano dhovavihana mazu, na mabasa mena menjene aniwodhihile woona mutugumano obu wa ttattamwa nanda onikamihedhaga okala amarho a Yehova. Mvaho wawo omperheka weyo na murima wotene onokamihedha opitxela muttengo obu vina onokamihedha mabasa ankosiwa elabo yotene. Wila ohitabuwe, vahikala makasha a mivaho mburo obu wotene. Mivaho dhotene dhinotamaleliwa vaddiddi. Nikuru Nolamulela ninoutamalelani sabwa ya okamihedhaga mabasa a Omwene na murima wotapuwa.

OBATIZO Mburo wa abale andowa obatiziwa onele okoyiwa na mutanene osogorho wa palku. Abale avivelelile wi abatiziwe, agilati mburo ottomeliwani diskursu ya obatizo ehinatti oroma Sabuddu membesi. Kadda muttu onofwanyela odhana tuwalia na dhabalo dhofwanyela obwinihiwana.