MAZU OROMANA MAKANI
NSUNZO 6
Oliba Murima
Gano: “Nipadduweliwevi dhawene, Mulugu onilibihedha owulaleyelani Muthaka waye mugoyini-mwene.”—1 Tes. 2:2.
Elobo Gani Ekosile Yezu
1. Koona VIDIYU, obe wengese Luka 19:1-7. Ogamala otanalele mavuzo aba:
Txini yattukulela attu ena omutanya Zakewu?
Txini emuttukulele Yezu omulaleya miselu dhapama?
Ejile Ekosile Yezu Ennisunziha Nni?
2. Enofuneya oliba murima wi niwodhe olaleya miselu dha Omwene nihikanaga nsakulano.
Omutagihe Yezu
3. Kamukuluvele Yehova. Muya wokoddela wa Mulugu ohinvaha Yezu guru yolaleya, muya wakakene onele wuvaha guru. (Mt. 10:19, 20; Lk. 4:18) Ogafwanya attu anawoviwe kamukumbirhe Yehova wi olibe murima wila owodhe walaleya.—Mer. 4:29.
4. Kuwattonge attuya. Ninodhaga ohifuna ologa na attuya sabwa ya ekalelo yawa, ettomo obe esile dhinrumelani mwaha wa relijiau. Mbwenyi kobuwela:
Yehova vina Yezu akana ewodhelo yowengesa mirima; mbwenyi iyo kanina.
Notene ninowakela ttagaraga dha Yehova.
5. Kaliba murima, ologe na nriho vina na ofwasa. (Mt. 10:16) Karabela wakulana. Ogona wi muttuya kanfuna ovuruwana miseludha obe weyo onowona wi kahiyo mudhidhi wapama kagomiha makaniya noleleya.—Gano 17:14.