Ogawa wa Niwobo na Wubuwela Okwa wa Yezu Onarome 22 Mweri wa Marsu

Mwawuno mabasa a wawoba attu wi adhe vamuttuponi wa Wubuwela Okwa wa Yezu anarome Sabuddu, 22 mweri wa Marsu. Abali otene anolibihiwa wi alabe na guru dhotene. Omagomelo wa sumana iyo vina ninele opaka marevista egafuneya. Sabuddu noroma na Abril, iyo ninazuzumele ogawa niwobo ottiya oroma nsunzo na Bibilia. Mwadhahene, iyo akala ninonfanya muttu onlagiha efunelo yamakamaka, venevo iyo ninele oroma nsunzo na Bibilia. Mwag’aneli wa mabasa podi ologa masasanyedhoya akala wagawela niwobo attu otene onele okamiha mulogo wafanya attu enjene mmurudda mwawa. Okose nlebo na anamudhi, akwihu a omabasani, akwihu a oskola, wawiyelele attu alogile na weyo vina na eena anaziwa weyo anfuna weyo wawoba vina wavahe niwobo mudhidhi wa ogawa ogaroma. Iyo nihikaana nikuluvelo wi owinjiva anele odha ovitaganyiha na iyo nigobuwelaga mazu meeli manddimuwa a okwela.​—Joau 3:16; 15:13.