Agosto Onakale Mweri wa Makamaka wa Wubuwela Mabasa!
Tratado Eswa Enele Opakiwa Orugunuwa Elabo Yotene
1. Mabasaga gani a opaka anakosiwe orugunuwa elabo yotene naddamelaga vyaka 100 dha obaliwa wa Omwene?
1 Vyaka 100 dha obaliwa wa Omwene wa Mulugu oli vakuvi. Jofanyeelela omuttittimiha Yehova modheela nipadduwo na vawoka! Mwari mwa mweri wa Agosto ninele okosa mpaddi wa ogawa tratado eswa ena musorho Ninafanye Wuvi Dhowakula Dha Mavuzo Manddimuwa a Mwigumini? Tratado eji enowalibiha anamengesa wi ajeedhele dhowakula dhinda Mbibiliani vina enele otapulela mukalelo onawodhena awene okamihedhiwa na jw.org.
2. Ninawodhe dhavi okosa epaddi ya omwibela jibo dha wagalala Yehova enakosiwe mwari mwa mweri wa Agosto?
2 Okuwa wa wagalala: Wi nakamihedhe anamalaleya wunuwiha mabasa awa a olaleya ahikosiwa masasanyedho a vawoka wa kadda muttu-muttu oddule onfuna okala pionero wokamihedha mwari mwa mweri wa Agosto. Mwari mwa mweriya obo, anamalaleya obatiziwa anele ovahiwa gari ya olaba ninga apionero okamihedha aperekaga mawora 30. Vowi mweri wa Agosto ona Maishano matanu, Masabuddu matanu vina Maddimingu matanu, anamalaleya enjene ana mabasa awa a vawoka obe andowa eskola vari va sumana anele owodha okala apionero okamihedha. Akala weyo ohikaana namasunza ondowa vasogorho obe mwaana agafunile okala namalaleya, kaloga na mwimeleli wa nningo na anddimuwa a mulogo momaguva. Egakalile dhavi yolibiha kowiliwa attuya abo agahivitaganyiha vamodha na iyo wi akale anamalaleya mwari mwa mweriya obo wamakamaka. Masiki apionero enji a mudhidhi wotene poddi obudduwa mudhidhi wovuma, ejoya poddi okala yowodheya ovisasanyedha vowi awodhe okosa mabasa vaddiddi mwari mwa mudhidhi obo wa opaka tratado ejo yamakamaka. Obu bu mudhidhi wi anamudhi awodhe osasanyedha mukalelo onawodhena awene ‘omwibela Yehova jibo dha wagalala’ enakosiwe mwari mwa mweri wa Agosto.—Ezdra 3:11; Gano dh’olelana 15:22.
3. Njeedhelo gani nina iyo modheela mudhidhi obo wa opaka tratado eji yamakamaka?
3 Masiki iyo akala nihikosa epaddi ya opakela matratado meena mundduni, ninjeedha wi opaka oku onakose iyo kwa makamaka. Venevo iyo ninele owodha wunuwiha muttengo wa mawora, anamalaleya vina Apionero okamihedha mwari mwa mweri wa Agosto? Mudhidhi onagomihe iyo yaka ya mabasa ya 2014, Yehova arurihe guru ya nlogo naye orugunuwa elabo yotene nikosaga mweri wa Agosto okala munddimuwa wa ovaha onamoona opitta mweri wa masaka meena!—Mt. 24:14.