Mukalelo wa Olagiha
Ninafanye Wuvi Dhowakula dha Mavuzo Manddimuwa a mwigumini?
Kanvahedhe mwana murala tratado wi one musorhoya mudhidhi onloga weyo: “Muselo woroma. Nili nikosaga mabasa a elabo yotene ya ovahedha muselu wamakamaka. Ntti tti nipido nawo.”
Akala weyo onottiya tratado vatakulu vahili muttu, enofanyeela ottiya vego vahinoneyetxa vina okale txenjewa wi onataye.
Akala mwanamuralaya onolagiha efunelo obe onofunavi ologa, weyo onofanyeela onvuza enubuwela iyene mwa mavuzo a osakula osogorho wa tratado eji vina omulagihe enloga Salmo 119:44, 160. Kamutapulele wi tratadoya ehikaana miselu dha Web site onwodha wukamihedha ofanya maakulo ofanyeelela a Bibilia. Akala iyene ohikaana mudhidhi, txino weyo podi omulagiha ntonyihedho mwa omulagiha vidiyu “Ninimusunzelani Bibilia?” Ohinatti obudduwavo, kamulagihe mavuzo mararu ali odduni wa tratado ogamala kanvuze nimukaleletxe na makamaka. Mudhidhi oniyela weyo, kasekeserha yowakulaya mwa wona mutxiddo mwa ENSINOS BÍBLICOS > PERGUNTAS BÍBLICAS RESPONDIDAS.
Marhe meena a olabihedha, mwa mirudda dhihinlabihedhiwetxa Interneti kavahedha brochura Miselu dhapama dha Mulugu! nanda ologaga: “Ddigahiziveliwa wulagiha mukalelo onagalaliha osunza Nzu na Mulugu.” Kamuttiye mwanamurala asakule mutomaya oli odduni wa nikuku vina kaloga: “Weyo wahiziwa wi mwa mudhidhi mug’novi onofanya dhowakula dha mavuzo aba amakamaka?” [Kalagiha olabihedhaga nivuzo nisakulile mwana muralaya.] Kalabihedha nivuzo nina wi ottiye vina mwiwanane mudhidhi oneyele weyo wi wakule. Kavilibihedhe wi ottiye tratado Ninafanye Wuvi Dhowakula dha Mavuzo Manddimuwa a mwigumini? numba dhotedhene.
Akala weyo onopaka niwobo na matugumano manddimuwa a murudda, wavahedhege anamurala niwobo na matugumanoya vamodha na tratado ologaga wi ninowuvaha vina niwobo na matugumano anakanehu musogorho.
A Sentinela Agosto 1
Omagomelo wa sumana egakala yofanyeela kaloga ejene omutapulelaga Sentinela: “Iyo nigahiziveliwa vina wuvaha marevista ehu maswa. Musorho obu wa Sentinela onowakula nivuzo ntti: Mulugu onowutanaala?”
Despertai! Agosto
Omagomelo wa sumana egakala yofanyeela kaloga ejene na omutapulelaga Despertai!: ologaga. “Iyo nigahiziveliwa vina wuvaha marevista ehu maswa Musorho obu wa Despertai! onowakula nivuzo ntti: Attu anawodhe dhavi ofanya murenddele?”