Mukalelo Wolagiha

Oroma Nsunzo na Bibilia Sabuddu Noroma na Mweri wa Otuburu

“Iyo nili mwenemwa nilogaga na anamwanddamani ehu modheela olamulela waderetu. Weyo onubuwela wi ohikalawo namattonga wa guru onawodhe ogomiha makattamiho aba ottiya-ttiyana, ninga otimbwini vamodha na opujiwa?” Omuttiye wi akule. Omubutxedhe mwanamurala wi mwari mwa Nlobelo na Nabuya, Yezu wahasunziha anamafara aye modheela odha wa olamulela oku wa Omwene wa Mulugu odhe. Kalagiha mavuzo ali okodde wa A Sentinela 1 wa Otuburu, vina mutxokotxele motene musorho oli mutxiddo mwa nivuzo noroma vina ngafuna wene nlebo nimodha nittomiwe. Kavaha marevista, vina kalaganelani mudhidhi wi weyile vowi mutxokotxele nivuzo ninfarela.

A Sentinela 1 Otuburu

“Iyo nili mmuruddani mpu momaguva nalagiha anamwanddamani nilogaga modheela nlobelo noziwiwa vaddiddi nasunzihile Yezu anamafara aye. [Kengesa Mateu 6:9, 10] Wahiromaga wiwa txini entapulela Omwene wa Mulugu, vina mwahaya bwani Yezu waniyelela dila dhinjene mwari mwa masunziho aye? [Omuttiye wi akule.] Revista ntti ninotonyihedha ebaribari ya Bibilia modheela Omwene wa Mulugu vamodha na mareliho anadhenani velaboni ya vati.”

Despertai! Otuburu

“Nili mmuruddani mpuno momaguva nakamihedhaga attu ofanya dhowakula a nivuzo ntti. [Omutonyihedhe vakapani va revistana.] Onubuwela wi ttima ya muttu endela mwa okaana dhorela? [Omuttiye wi akule.] Bibilia onotonyihedha mukalelo wopimeleleya modheela dhilobo dhomaningoni. [Kengesa Luka 12:15.] Mowiwanana na Bibilia, ttima yebaribari enowodheya wa iyo notene. Revista ntti ninotapulela.”