Mukalelo Wolagiha

Orome Nsunzo na Bibilia Sabuddu Noroma na Mweri wa Dezemburu

“Nidhile okosa mabasa a wawona anamudhi otene momaguva. Amambali enjene anofuna wi anawa amukwele Mulugu. Weyo onubuwela yawila ejoya elobo enfanyeela amambali wasunziha anawa, obe ayima anowodha osunza omukwela Mulugu anyene?” Omuttiye wi akule. Omulagihe ondduni wa A Sentinela na 1 Dezemburu, mutxokotxele motene mpaddi oli mutxiddo mwa nivuzo noroma vina wengese ngafuna wene nlebo nimodha nittomiwe. Kavaha marevista vina kalaganelani mudhidhi wi wiyele wi mutxokotxele nivuzo ninfarela.

A Sentinela 1 Dezemburu

“Iyo ninowawona anamudhi momaguva nawaddelaga miselu dha Mulugu. Ninoziwa wi muttu-muttu ohikaana yubuwelo yaye modheela Mulugu. Kito weyo onubuwela yawila attu enjene animoona iyene ninga guru yohiligana na muttu obe oli ninga marho onimbarela muttu-muttu? [Omuttiye wi akule.] Maversu a Bibilia anonaddela mukalelo wa omarho onfanyeela iyo okaana na iyene. [Kengesa Tiago 4:8a.] Revista ntti ninologa dhilobo ttaru dhinfanyeela iyo okosa wi nikale amarho a Mulugu.”

Despertai! Dezemburu

“Iyo nili mwenemwa mmuruddani nawoonaga anamudhi momaguva nilogaga sabwa ya makattamiho a egumi anapatta attu otene. Modheela mazu a Anamatanala Egumi a Elabo yotene, makattamiho a muyubuweloni, ninga wundeya guru, anowapatta attu mwigumini mwawa. Weyo onubuwela yawila makattamiho a muyubuweloni anadhela attu otene? [Omuttiye wi akule.] Bibilia ononaddela wila musogorho, egumi velaboni ya vati enele okala ya ofuru vina kawo onabulelege. [Kengesa Ovuhulela 21:3, 4.] Revista ntti ninologa dhilobo dhing’onovi dhigafanyeelile attu oziwa modheela makattamiho a muyubuweloni.”