Mukalelo Wolagiha

Niwobo na Mattanga a Wubuwela Okwa wa Yezu

“Iyo ninopaka niwobo na nipadduwo na makamaka. Labo 3 na Abrili, attu matxikwi na matxikwi elabo yotene anele ogumana oone wubuwela okwa wa Yezu Kristu vina avuruwane diskursu ya Bibilia s’opitxa elobo mwaha wa mukalelo ompura iyo okwa waye. Niwobo ntti ninotonyihedha mburoya na mudhidhiya onarome matugumanoya mmuruddani mwehu.”

A Sentinela 1 wa Marsu

“Labo 3 na mweri wa Abril ninowubuweliwa okwa wa Yezu Kristu. Attu eena mmuruddani mwehu anele otugumanela wubuwela yopadduwa eji, mbwenye ahikalawo attu eena anoona ninga okwa wa Yezu kuna ntapulelo. Yowakula yawo jivi? Weyo onubuwela wi okwa na ovenyihiwa wa Yezu ohikaana yopurelamo wa iyo? [Omuttiye wi akule.] Koona enloga Nzu na Mulugu mwaha wa makaniya aba. [Kengesa 1 Akadda Korinto 15:22, 26.] Revista ntti ninotapulela mareliho a musogorho modheela mukutto wa Yezu​—ninga aba, wi ninela okalawo nsaka ninagome okwa.”

Despertai! wa Marsu

“Nili muruddene obu nawoonaga anamwanddamani wi nalagihe revista niswa na Despertai! [Omulagihe odduni wa Revistana.] Muttu-muttu ohikaana yologa yaye sabwa ya nivuzo ntti: ‘Mulugu ohikalawo?’ Ninga Munubuwela weyo, bani ona moonelo wowakwana odheela dhilobo dha musogorho​—babale animurumeela Mulugu obe abale ahinimurumela? [Omuttiye wi akule.] Mpu muhikala nlibelo na Mulugu ninavaha attu nikuluvelo nowakwana. [Kengesa Masalmo 37:10, 11.] Revista ntti ninologa mitoma minai dhintapulela okalawo wa Mulugu.”