Kavuwiha Guru ya Mazu a Mulugu Mmalaleyoni Mwawo

Nigavahiwa mudhidhi wi nilaleye miselu dhapama, ninolabihedhaga deretu gariya ejo mwa ovuwiha guru ya mazu a Mulugu nengesaga malebo ali mBibiliani. Ejoya yahilogiwa mowooneya labo na mutugumano wa vawoka yaka ejile evirile. Nameddelela milogo wahikosa mwambo wa vattaddo mutomaya waloga “Kavuwiha Guru ya Mazu a Mulugu Mmalaleyoni Mwawo.” Weyo onowubuwela mitoma dha makamaka?

• Sabwaya jani Mazu a Mulugu ahikaana guru opitta ehu?​—2 Tim. 3:16, 17.

• Bibilia onwodha dhavi wira enlogiye, obiyela mpaka okomoni wa murima, obeddegela dhinubuwela muttuya vina osaddula ekalelo yaye?​—Koona mu A Sentinela 15  de Junyu 2012, nikuku 27, ddima 7.

• Nigengesaga malebo mmabasani a olaleya txini enfanyeelihu okosa wi muttuya atonyihedhe nriho na Mazu a Mulugu?​—Koona nivuru Escola do Ministério, nikuku 148, ddima 3-4 vamodha na Nosso Ministério do Reino Marsu 2013 nikuku 6, ddima 8.

• Ekaleli eni yamakamaka otapulela vina otanaalela malebo anengesa iyo nanda ninakose dhavi?​—Merelo 17:2, 3; koona nivuru Escola do Ministério, nikuku 154, ddima 4 mpaka nikuku 156, ddima 5.