YEDDELO YA AKRISTU

Marhe Omulabihedha JW Library

OGASUNZAGA:

• Onomwengesamo Bibilia na nlebo na labo. Muhikala mpaddi onddiginyiwe wi okweretena vagomeliwe omwengesa Bibilia, enokamihedhe ohirabuliheya labo nina

• Onomwengesamo Anuário vina marevista na manivuru meena

• Onosasanyedhamo matugumano awo, okweretaga dhowakuladha mwenemo

• Onowonamo mavidiyu

VAMATUGUMANONI:

• Onowona nlebo nilogiwe. Oddiginye valebiwe wiyela wi mohigoneela ofanye epaddi enfuniwe

• Ottiya ottukulela omatugumanoni manivuru gwé, kalabihedha epano yawo wi ofarihedhegena dhipaddi dhinjeene vina wibana jibo dhotedhene. JW Library ohikaana jibo dhihinatti wikiwa mu nivuruni na wibana

MMALALEYONI:

• Onomulagiha muttu elobo eli mu JW Library vina onomukamihedha okosa download app manivuru anakale mwipanoni mwaye ya ovolowana mwinternetini

• Onolabihedha epaddi yopepesana wi ofanye nlebo mohigoneela. Akala mazu antameliwe mu Tradução do Novo Mundo otapuleliwe wili kamo, kadhowa watamele mu Tradução do Novo Mundo Com Referências

• Onolagiha vidiyu. Akala mwanamuralaya mwana, karumiha mavidiyu a Torne-se Amigo de Jeová. Obe kalagiha vidiyu Ninimusunzelani Bibilia? Wi mwanamuralaya akane efunelo ya omusunza Bibilia. oganfanya muttu onloga elogelo yina, kamulagihe vidiyu na elogelo yaye

• Ogafunaga omulagiha muttu nlebo na elogelo yaye emalilewe okosa download, kinrutxa. Onfugula nlebona na elogelo enziwiwe, ogamala bufugula ya elogelo yaye, omamalelowa buddiginya mutonyo onladdaniha