MAFUMO A MAZU A MULUGU | GANO 27-31

Bibilia Onomuloga Muyana wa Murima

Gano kapitulu 31 ohikana malago a ttima avahiwe Mwene Lemuwel na  maye. Malagoya aba ahimukamihedha onveda muyana wa murima.

Muyana wa murima ddokuluveleya

31:10-12

• Onovaha monelo waye agalogiwaga makani a vamuralani; onomukurumuwela mamunayeya

• Mamunaye onokuluvela wi onele okosa masasanyedho a vamuralani, kandidela wi dhotene dhinlogiye dhireyege

Muyana wa murima ddwa mabasa

31:13-27

• Iyene onosunza winanela, kanzuzumela dhilobo dhinji, attu a ntakulu naye ankala oyesene vina kanrameyeliwa dhoja

• Iyene onolaba vaddiddi vina onomukamihedha mamunaye mudhidhi wotene

Muyana wa murima ddovadda mpaddi womuyani

31:30

• Onomova Mulugu; okana wandana wofiyedheya na iyene

[Kasha vanikukuni 3]

WEYO WANZIWA?

Mmasakani a Bibilia myarha dha muttengo munddimuwa dhanttittimihiwa vaddiddi. Dhali dhokoddela, dhorutxa ofanyawa, vina wila okaane wankosa guru dhinji. Dhafanyiwa mmwinjeni wofila vina mwinje ontxemerhiwa (Mediterrâneo), obu wali mpinddu munddimuwa.

Elagihiwaga ttima ena myarha esi, Bibilia onloga wi dhinopitta ddarhama, parata na malugu a safira.

Mazu a Mulugu anloga wi muyana wa murima “ddwathima opitha myarha dha muthengo munddimuwene.”​—Gano 31:10.