Niwodhe Dhavi Okaana Elemelelo ya Osunza Malebo na Nttokoso

Weyo ogafwanyiwa masoso, ogahiziveliwa okalanavi nroromelo nawo dhahene ninga Daniyel? Daniyel kalemana, nne kakanela owara osunza Mazu a Mulugu; wansunza na mavuhuloya manddimuwa. (Dan 9:2) Osunza mazu a Mulugu na nttokoso enela wukamihedha wimetxavi nroromelo nawo. Enlogeliwani dhawene? Osunza onowunuwiha nroromelo nawo nawi dholibela dha Mulugu dhinela wakwanihedheya. (Jos 23:14) Osunza mazu a Mulugu onowunuwiha omukwela wawo Mulugu, vina onowuttukulela dila ya okosa dholigana. (Masal 97:10) Kito onarome dhavi? Karoma wona maswagiho aba.

• Ddinfuna ddisunze eni? Osunza wokanela nttokoso oniwanana na osasanyedha matugumano a mmulogoni. Nsunzo na Bibilia na vasumanani ninakale nopureleyamo akala weyo onoveda mudhidhi wa osunza mitoma dhihinnonelamo weyo deretu. Ninga motagiha, attu enjeene ansakulaga osunza mavuhulo menjene ali mBibiliani, misapo dhinji dha muya wa Mulugu, oleddo okosile murumiwi Paulo, obe vina mulabelo wa dhottanddiwa dha Yehova. Akala onokaana nivuzo ninoniwe wi yowakulaya eli mBibiliani, kalebela vego, ogamala opepese labo na nsunzo nawo nindawo.

• Ddifanye wuvi dhosunzadha? Koona vidiyu Opepesa Vipano Dhinniwodhiha Ofwanyana Mafumo a Omuyani; vidiyu eji enela wuvaha niboddo novenyana. Ogafuna oziwa vangomela ononelamo wawo, kapepesa masunziho anloga dha alamuleli a elabo yotene, abuwene anladdanihiwa na vinama dhilebiwe va nivuruni na Daniyel kapitulu 7.

• Mudhidhi gani onfunemi wi ddigonele vansunzoni vaga? Osunza wohikanela owara niparha na egumi ya omuyani. Osunza oku onromiwana ogonela mudhidhi mung’onovi, ogadha olemela, onelege ogonela mudhidhi mwinji. Osunza Mazu a Mulugu enkala ninga otamela mafumo avitiwe; mudhidhi ogafwanyiwe, oganziveliwa ovedavi meena mafumo! (Gano 2:3-6) Efunelo yawo ya osunza Mazu a Mulugu enela winjivavi; vina omusunza Bibilia wohikaanela owara onakale elemelelo yawo, mwigumini mwawo motene.—1Ped 2:2.

VINAMA DHILOGIWE VA NIVURUNI NA DANIYEL KAPITULU 7 DHINTAPULELA ENI?

• 

  Dan 7:4

• 

  Dan 7:5

• 

  Dan 7:6

• 

  Dan 7:7

NIVUZO NINA:

Nivuru na Daniyel 7:8, 24 nakwanihedheyi dhavi?

NIVUZO NOSUNZA LABO NINA:

Vinama dhilogiwe va nivuruni na Ovuhulela kapitulu 13 dhintapulela eni?