YEDDELO YA AKRISTU
Olaleya na Osunziha—Apo Ninileletxa Nakose Anamasunza
Yezu oharuma anamafwara aye wi adhowe asunzihe attu. (Mt 28:19) Mabasa aba aniwanana na olaleya vina osunziha. Mbwenye mudhidhi na mudhidhi, iyo ninodha ovivuza dhahi, ‘Ddiwodhe dhavi wunuwiha ewodhelo yaga ya okosa mabasa aba a wasunziha attu?’
OLALEYA
Enofuneya watamela attu ‘oriheya,’ ottiya ogilati goddo, na yubuwelo ya wajedhaga attuya odha valihu. (Mt 10:11) Nigalaleyaga, ninozuzumela ologa na ‘muttu ddi muttu ongumanihuna’? (Mer 17:17) Lídia ohifiyedha okala namafwara sabwa ya zelu y’olaleyana ya murumiwi Paulo.—Mer 16:13-15.
“Kála beu yawo na membesi, na txiguwo kufunye myoni.” (Koh 11:6)
KOONA VIDIYU ODHOWENAVI MABASA A OLALEYA “KUTXELELE”—ONAMOONA WA GARI, NUMBA-NUMBA OGAMALA WAKULE MAVUZO ABA:
Samuel olagihile dhavi wi iyene wahikana ttotto ya otxeya beu ya ebaribari malabo otene?
Ekalele nni yofuneya iyo ovilelaga mmabasani a olaleya ankosiwa n’ekalelo yottiyana-ttiyana?
Bani onfuniwiwena omulaleyela muselu wa Omwene labo na labo?
OSUNZIHA
Akala ninfuna nakose anamafwara, mabasa ehu kakale ottiyavi manivuru. Wi nadhowihevi anamasunza vasogorho mpaddi womuyani, enofuneya iyo wawiyelelaga wi Nasunzihe Bibilia. (1Kor 3:6-9) Kito ninakose dhavi akala guru dhehu dha omusunziha muttu-muttuvi kadhinpurelamo elo? (Mt 13:19-22) Kanikumuwe, enfuneya ja iyo watamela abale ana mirima dholigana na ‘mathaka a pama.’—Mt 13:23; Mer 13:48.
“Miyo dditxeya, Apolo ohelela manje, wonuwiha ddi Mulugu” (1Kor 3:6)
KOONA VIDIYU ODHOWENAVI MABASA A OLALEYA “KUTXELELE”—ONAMOONA WA VANAMWINJINI, WAKOSA ANAMASUNZA OGAMALA WAKULE MAVUZO ABA:
Salomau na Maria awodhile dhavi ohelela manje beu ya ebaribari mmirimani mwa Ezekiyel vamodha na mwadhiye Abigaíl?
Yogana yehu enakale yivi nigarumiwa okosa mabasa olaleya abuwene ankosiwa n’ekalelo yottiyana-ttiyana, otaganyiha na onamoonawa wa vattaddo?
Niwodhe dhavi ogalamutxa mabasa aba a wasunziha akwihu ebaribari?