Nunuwihe Ewodhelo Yehu Mmabasani a Olaleya​—Wita Makani Annikamihedha Ovaha  Onamoona

Yezu wahiwodha onvaha onamoona wa gari muyana wa Musamariya aromagana makani ohirutxa. Ninawodhe dhavi wunuwiha ewodhelo yehu mmabasani a olaleya niromaga makani na anawedda?

• Kakala muttu wofiyedheya vina witege makani na attu. Mudhidhi dhahi Yezu bali wolemene, wahikumbirha manje venevo baroma makani. Enowodheya weyo wita makani oromaga na olejela, otamela oziwa mudhidhi, obe mapadduwo a mwilaboni. Oroma makani ekale yogana yawo, orome ologaga elobo-txilobo enazuzumiha attu obe entameletxani oziwa. Akala muttuya kanuvuruwana kumaguvele onyimuwa. Odhowegevi bugatamela attu ena. Omulobe Yehova wi aukamihedhe oliba murima.​—Nem 2:4; Mer 4:29.

• Okale wovisasanyedhene wi orome wita makani a miselu dhapama, kuwobane. Kattiya makaniya eddege mofwaseya-mwene. Txino attu ena ahikana mabasa anttamagelani, agakodda kuwakokele andaga onyaguleya. Akala makaniya anogwaddeleya ohinatti omulaleya kunyimuwe. Akala enowurutxa oroma makani-makanivi ogamala bumulaleya muttuya, kunyimuwe, okose ninga yogana yawo, yoroma makani-makanivi ogamala bumusunziha ebaribari. [Karumiha vina katapulela vidiyu 1.]

• Egawodheya kaveda gari ya onvaha onamoona, ologaga mwaha wa nroromelo nawo s’opipiriha, iyeneya agawukosa mavuzo kanvuruwane nofwaseya vina kamwakule nogalamuwa. Yezu wahita makani amuttukulele muyanaya okosa mavuzo. Mwaromeliye ologa mwaha wa miselu dhapama, iyene wahirumela mofwaseya-mwene mavuzo akosa muyanaya. [Karumiha vina katapulela vidiyu 2, ogamala karumiha vina katapulela vidiyu 3.]