“Omukosela Mvaho Yehova”

Masaka abano ankalihuwo, ninawodhe dhavi ‘omperhekela Yehova mivaho na murimehu wotene’? (1 Map 29:5, 9, 14) Dhihikalawo miparha dhinjene dhinwodhihu operhekela mivaho dhehu, mivaho esi dhinela owodhiha mabasa a Anamoona a Yehova odhowavi vasogorho; ninga mabasa a vamulogoni, n’abaleya ankosiwa vilabo dhotene.

MIVAHO DHINKOSIWA MWINTERNETINI OBE MMIBURONI MUNTTIYIWA DHOBO DHA MIVAHO, DHINOKAMIHA:

• 

  MABASA ANKOSIWA ELABO YOTENE

  omagiwa n’oguliwa dhinfuneya mmafiliyal na miparha dh’otapulela

  dhiskola dh’omwene

  okamihiwana abale anlaba mabasa a mudhidhi wotene

  abale anfwanyiwa vizini

  osasanyedhiwa manivuru, mavidiyu, na manivuruya ankala mwinternetini

• 

  DHOFUNEYA DHA VAMULOGONI

  dhinlabihedhiwa vamulugoni, ninga opitxeliwa manje, motto wa maluju na osasanyedha esile dhingujuwa Munumbanimwa mwa Omwene

  kobiri yina emperhekeliwa ofiliyal wi:

  • dhimagiwena Numba Dh’omwene na dha Mutugumano wa Murudda orugunuwa elabo yotene

  • dhikosiwena Masasanyedho a Wakamihedha Abali a Elabo Yotene

  • dhikosiwena mabasa mena orugunuwa elabo yotene

MITUGUMANO DHA TTATTAMWA NA DHA MIRUDDA

Mivaho dhinkosiwa vamutugumanoni wa ttattamwa dhinkosiwana mabasa a elabo yotene. Mwa wenjedhedha, kobiri enkosiwana muttugumano wa ttattamwa, mutugumano wa murudda, na mutugumanoya wavawoka, ji kobiri ensokeliwa mabasa a elabo yotene.

Mivaho dhinsokiwa va ttattamwani, dhimboleyiwana mimburo munkosiwa matugumano a ttattamwa, dhinsasanyedhiwana vina dhinguliwana dhinfuneya vamuruddaniva wili-wili dhinmagiwana numba dha mitugumano dha mirudda. Murudda wotene onofwanyela ovilibihedha okosa mvaho wa mabasa ankosiwa elabo yotene na Anamoona a Yehova.